Scorpio multi-babe!!!

Nýtt ár = nýtt líf?

2012-01-07T20:31:00.000Z

Gleðilegt nýtt ár og takk fyrir það gamla.
Ferlegt hvað ég hef verið ódugleg að koma með myndir hingað inn, mömmu minni til mikilla ama. En nú vona ég bara að Timme fari aðeins oftar út á kvöldin, hvort sem er að horfa á fótbolta eða fara til Kýpur... Svo ég hafi nú einhvern tíma fyrir sjálfa mig.

En hvað um það, heilmikið búið að gerast...

Fyrst; við fórum til Íslands og héldum upp á afmæli hans Alfreðs (myndirnar enn í myndavélinni) og var bara meiriháttar að koma á klakann. Fann fyrir í fyrsta skipti (eða fyrsta skipti sem ég viðurkenni) að ég er með heilmikla heimþrá og var fyrsti dagurinn eftir heimkomu ótrúlega erfiður...

En svona er það.. við fluttum þann 16. des (eða ætti ég að segja ég) því í raun kom Timmi lítið við sögu í flutningunum, nema jú að borga. En það þarf víst líka ;) en ég pakkaði öllu og flutti ásamt 3 mönnum og lyftu. Tók bara 10 tíma..
Bættist einnig við að Alfreð var veikur, en hann greindist með bronchitist um kvöldið sama dag og við fluttum. En þá drattaðist ég loks með hann til læknis eftir 3ja daginn með yfir 40°C hita, fékk hann loftúða og gott hitalækkandi lyf. Svo fékk hann loftúða í nokkra daga á eftir og var fljótur að braggast aftur.
Hann er bara algjör rúsína, brosir svo mikið og er ótrúlega kátur, hann skríður bara um enn sem komið er, en gengur með. Lætur vita með miklum ákafa ef hann vill eitthvað eða líkar ekki eitthvað.

Írena var MJÖG ánægð með að fluttningana, tala nú ekki um nýja herbergið og sagði stolt við ömmur sínar að hún væri komin í nýtt herbergi, ég er líka súper ánægð og Timme einnig, þannig hér er eintóm hamingja ;)
En bara það, t.d að koma með tvö sofandi börn seint á föstudagskveldi, leggja fyrir framan húsið og bera eitt barn inn í einu. Í stað þess að leita eftir stæði í 15 mín, ganga með bæði börnin í 5 mín og upp stiga og alles.. svooooooooooooooooooooo ljúft að það er ekki hægt að lýsa því.

Við erum samt enn bara í að koma okkur fyrir þó það mesta sé búið, þökk sé mömmu minni og pabba, en þau hjálpuðu heilmikið þegar þau komu hingað yfir jólin, bæði við að þrífa, dytta að hinum ýmsu hlutum og taka upp úr kössum, en það er þessi fínpússing sem er eftir, sem ég mun dunda mér að.

Myndir af húsinu koma seinna, en ég fer í að sortera myndirnar mínar og koma með fyrir og eftir myndir, því við gerðum nokkrar breytingar.

Hvað meira, við erum að hugsa að fara til Egyptalands í vetrarfrí. Okkur langar í sól, en hér er búið að rigna mikið og ekki hundi úti sígandi, slíkt skítaveður er úti (eða svona næstum því, allavega á belgíska vísu)

.. en þar til næst

Hitt og þetta

2011-10-12T20:39:00.000Z

Góða kvöldið gott fólk. Er ekki alveg nógu dugleg að setja nýjar myndir inn á tölvuna mína en þetta hlýtur að fara koma hjá mér...
Ég hef fengið 3 atvinnutilboð á sl. 4 dögum íhaaa. Mér til mikillar gleði var það fyrst allt of langt í burtu og ég gat því leyft mér að segja nei. Nei ég ætla ekki að fara keyra 115km aðra leið til að mæta í vinnu. Fegin spyrja margir mig kannski? Er ég ekki búin að vera bíða eftir að fara vinna, jú að mörgu leyti. En að fara vinna á frönsku er ekki beint mitt þægindasvið og ekki spurning auðvitað mun ég drífa mig í og dempa mér í óvissuna (ekki eins og ég hafi ekki gert það áður) en þetta tekur allt tíma. Einnig er gott að vita að því ég ÞARF ekki að segja já við því fyrst sem býðst.. Meira segja Timme sagði það við mig í kvöld og þá er nú mikið sagt.

En Alfreð litli er bara algjör perla, konan á dagheimilinu hans óskar mér góðs gengis þegar ég sækji hann. Já hún er sko heldur betur búin að spotta út karekterinn hans. Hann er voðalega ljúfur þegar hann er góður, en á hinn boginn er hann alveg ótrúlega krefjandi þegar hann tekur sig til (auðvitað eins og öll börn). Hann er bara með svo sterkan vilja á það sem hann vill, sem ég reyndar sá 2ja daga gamall á sjúkrahúsinu og það er svooo erfitt að róa hann niður. Úff ef ég er ekki orðin sköllótt við að rífa á mér hárið þegar ég er að díla við hann.

Smá myndasería af drengnum. Drengurinn ekki par hrifinn af því að mamma væri að taka svona margar myndir af honum..

Síðsumar

2011-09-30T18:04:00.000Z

1. október á morgun, jahérna hér....

En við höfum haft sumarið hjá okkur núna sl. viku, yfir 25stiga hiti alla vikuna og mun vera um helgina líka, en svo á að kólna eitthvað aftur. Sem er líka allt í lagi, því ég þarf að fara pakka og fleira. Jams bankinn er búinn að segja já, verður skrifað undir lánið á þriðjudag og svo já veit ég ekki alveg framhaldið. En það er byrjað á endurbætum í húsinu og ætlum við að taka niður vegginn í eldhúsinu og rífa út eldhúsinnréttinguna (sem er búið að gera) Þetta verður svooooooo mikil snilld að ég get vart beðið.

En Alfreð er algjört snilld og svo mikil dúlla, hann er farinn að toga sig upp, fer þó aðallega upp á hnéin þessi elska, hann sest ekki upp sjálfur en er rétt byrjaður að fara niður sjálfur úr sitjandi stöðu, sem sagt ekki detta niður. Já þetta kemur allt hjá litla gutta.

Hann fór annars í skoðun fyrir 2vikum síðan, og er hann orðinn 74cm og nær 9,7kg. Hann þyngist hægt núna. Ef ég man rétt er það hálft kg á sl. 4 mánuðum. Þær á dagheimilinu "eeeelsk'ann" Hann er bara svo mikil dúlla, alltaf brosandi og góður, nema þegar hann er pirraður sem er nær aldrei. Þær segja að hann vilji bara vera með stóru börnunum og þar unir hann sér vel. Fer út um allt þar til að kanna heiminn og er snöggur að koma sér á milli. Hann er strax kominn með það að "flýja" í burtu þegar hann veit að maður er að koma sækja hann, bara sætt. Hvað fleira já, svo er 4. tönnin hans að koma niður núna.
Írena er alltaf að verða betri og betri í frönskunni og fer ég að læra réttan framburð á orðum frá henni, leiðréttir framburð minn á nöfnum vinkvenna hennar. Gæti verið að það sé frá leikskólanum þar sem verið er að kenna henni rétta áherslu í orðum . "Nei!, hún heitir Kam-illa", " Já, Ka-milla" .. fyndið.
Hún unir sér voðalega vel inni í herberginu sínu og lokar þau Alfreð þar inni og honum finnst sko ekki slæmt að vera inni hjá stóru systu þar sem fullt fullt er að "nýjum" leikföngum. Það heyrist ekki í þeim.

Ég er að fara kenna núna á sunnudag í ísl. skólanum og verð með alla 5 ára krakkana, já þau eru bara nokkuð "mörg" og held ég að það séu 7 krakkar öll fædd á sama árinu. En þetta verður voða spennandi að sjá hvernig gengur. Er ég búin að plana kennsluna þannig að það verður farið í kynningarleik svo börnin þekki hvert annað. (Held þó að þau þekkist flest frá síðasta ári) en hvað um það, svo ætla ég að fara í stafrófið og ath. hvar þau standa sig þar. Svo verða ísl. lög tekin fyrir og svo eitthvað meira sem ég er ekki alveg búin að ákveða.

Stefnan er svo að koma til Íslands 17.-22. nóv og halda upp á afmæli hans Alfreðs og kannski míns ;) en ég nenni eiginlega ekki að vera lengur en bara langa helgi. Já svo langar mig til að halda jólin hér í Brussel.

Knús

Nýjar / gamlar fréttir

2011-09-14T18:49:00.001Z

Rosalega langt síðan ég hef skrifað síðast, enda líka búin að vera á þvælingi nær allan ágúst, fyrst til Danmerkur og svo til Íslands. Svo hefur maður bara að vera koma sér í þessa venjulegu rútinu eftir sumarfrí. Undirbúa skóla fyrir Írenu koma Alfreð á "creche" en hann byrjaði í síðustu viku þessi litla elska og verður 3 sinnum í viku. Þriðju-, miðviku- og fimmtudaga. Á meðan mun ég vera á frönskunámskeiði og stunda sjálfboðaliðsstarfið enn sem komið er. Eitthvað er einnig á dagskrá að ég muni kenna í íslensku skólanum OG fá laun fyrir. júhúuu.. Svo er spurning um að ég fái vinnu sem "Dame de compagnie" en það er ekki enn komið í ljós.

Írena er bara ofboðslega sátt, er mjög sátt við leikskólann sinn, og á hinar og þessar vinkonur og á ekki í vandræðum með að vingast við stúlkur hér og þar. Einnig er hún byrjuð í ballet aftur, en er ekki alveg sátt við að vera komin með nýjan kennara.
Ég er byrjuð að nota límmiðakerfið á hana, og fær hún miða ef hún hefur tekið til í herberginu sínu, klædd sig sjálf á morgnanna. Fleiri atriði eru ekki komin á blað, en í staðin mun hún fá sundferð eða í boltalandsferð eða eitthvað annað skemmtilegt um helgar. Finnst það alveg frábært og hún er mjög ánægð með að geta sett límmiðann á blaðið.

Af mér er bara fínt að frétta, er byrjuð á FULLU í ræktinni, fer a.m.k. 3 sinnum í viku, hvort sem það er að fara skokka, CrossFit eða sund. Einnig er ég loksins farin að leita mér að hjóli og ætla mér að hjóla um borgina í stað þess að ganga. Ég hitti sála hér 1 sinni í viku bara til að halda mér gangandi, enda er það ekkert grín að vera "atvinnulaus" í eitt og hálft ár og á nýjum stað með nýtt tungumál. Þannig ég er bara á fullu að vínna í mér, finna út hvað það er sem hefur verið að pirrar mig svona óskaplega, standa og halda markmiðum mínum, þannig ég er komin með fulltime dagskrá svo dagarnir flosni ekki upp í ekki neitt og ég er bara standa mig mjög vel;)

Af Timme er það að frétta að það er alltaf nóg að gera í vinnunni og eiginlega of mikið og ætlar hann sér allt of margt á allt of stuttum tíma. Hann skaddaði svo á sér fótinn við keppni í boltanum og fór í gips í nær viku og haltrar um núna. Fór svo í vinnuferð í morgun og verður fram á föstudagskvöld. En hvað svo meir; hann er búinn að skrá sig á íslensku námskeið, jebbs hann lét sig loksins hafa það, fer þó í level 2 þar sem of fáir voru skráðir í 1. En ég held að hann sé alveg með skilning á við level 2.
Ég mun þó ekki halda áfram í dönskunni, þar sem tímasetningin var ekki hagkvæm að mínu mati.

Hvað fleira, við munum að öllu líkundum skrifa undir kaupsamning á nýja húsinu þann 26.sept. Höfum við verið að skoða eldhús og erum búin að teikna og velja eldhústæki. Jams þegar maður er með kraftmikinn mann sér við hlið er sko ekki dvalið við hlutina, (nema þegar kemur af því að ÉG eigi að eyða peningunum..)

En hvað um það, ég er sátt við sjálfa mig ;)

Sumarfrí

2011-07-27T19:34:00.001Z

Fórum í viku ferðalag til Frakklands, nánar tiltekið til Concourans í Loire héraðinu, með fjölskyldu Timma og vinafólki þeirra, vorum 13 börn og 17 fullorðin. Börnin á aldrinum 3ja mánaðaða til 7 ára. Keyrðum við þangað í 7 tíma og dvöldum í kastala. Svaka flott, með sundlaug, risa stórum garð og nóg af aktivitý í kring. Því miður var veðrið ekki með okkur eins og reyndar veðrið hér í Brussel. Júlí mánuður hér er víst sá kaldasti síðan mælingar hófust. Brrrr.....

En hvað um það, við höldum sumarfríi áfram, keyrum til Danmerkur í næstu viku og dveljum þar í nokkra daga og svo verður haldið til Íslands þann 7.ágúst til 22. Reyndar fer Timme aðeins fyrr heim, en það er í lagi. Hann þarf líka að keyra til baka. Meðan ég og börnin fljúgum beint til Brussel.

Það er annars nóg að gera, við ætlum að skipta út eldhúsinu og baðherberginu hjá okkur og nú er ég að skoða og spekúlera hvernig eigi að hafa hlutina, hvaða flísar. Timme dreymir reyndar um marmara inn á baðið.... en hvaða ljós o.s.frv. já það er sko nóg að spekulera í. Timme sér um stærstan partinn á eldhúsinu, enda hefur hann reynslu í því, meðan ég kem með athugasemdir við misgóðar undirtektir.

Alfreð skottuling er byrjaður að skríða, eða svona toga sig áfram á gólfinu, engin fleygiferð á kallinum ennþá en það verður ekki langt í að við þurfum að fjarlægja CD diskana og eflaust einhverjar bækur, því þessi forvitni gutti lætur sko ekkert ósnert...

Sumarfrí á næsta leiti

2011-07-07T20:09:00.001Z

Ekki það að ég er eiginlega alltaf í sumarfríi. Allavega er enginn skóli og engin vinna hjá mér núna. Nú stunda ég bara gólf ca. 2x í viku. Hef ekkert gert í Crossfit eins og er, en við Timme höfum verið að taka námskeið í gólfi og þetta er bara nokkuð gaman, sérstaklega þegar maður getur slegið í kúluna. Býst við að við Timme munum halda áfram að stunda þessa íþrótt svona einu sinni í viku. Þetta er svona liður í því að gera eitthvað saman ;)

Annað sem við ætlum að gera saman að það er að drekka ekki neitt áfengi í heila viku! Já ég segi ykkur satt, einnig ekkert sælgæti og ekkert brauð. Þetta er líður í því að okkur finnst við vera fitna aðeins of mikið fyrir okkar smekk og ætlum við að byrja í fyrramálið, því Timme er úti með vinnunni sinni í kvöld.

Hvað meira, Húnbógi og co voru hér í vikunni, fóru í morgun og já það er friður á heimilinu en líka tómlegt, einnig þar sem Ásta au-pair er farin heim.. Annars var bara ljómandi fínt að hafa systu hér, full plan alla daga, því miður þá eru frændsyskinin mjöööööööög dugleg að stríða hvert öðru og kvartanir á báða bóga eftir því. En þeim fannst samt rosalega gaman að sjá hvort annað og verðu ekki langt í að þau hittast aftur, og þá kannski með smá pásu inn á milli ;)

Hvað meir, við erum búin að skrifa undir kaupsamning á húsinu sem okkur langaði í, íhaaaa..
Bílastæði, tjekk.
Beinn aðgangur í garð, tjekk.
Sól í garðinum, tjekk.
Bílskúr, tjekk.
Sofum öll á sömu hæðinni, tjekk.
Búum enn í sama hverfi, tjekk.
Jebbs þetta verður lúxus!

Ps. Írena eeeeeeeelskar að vera prinsessa!

Tölvan komin í lag ..

2011-06-24T07:18:00.002Z

.. en ég er að fara til Danmerkur á eftir og því verðið þið að vera þolinmóð eftir myndum. Annars er þetta allt að komast í stand hjá mér. Ég er búin að gera fullt af leiðinlegum hlutum sem hafa beðið lon og don eftir því að ég gerði þá. Þannig nú get ég farið að gera eitthvað skemmtilegt eins og að gera myndaalbúm, taka á móti systu og kó o.fl. skemmtilegt.
En ég er að fara í brúðkaup í kvöld og því er best að byrja taka sig til.

Þar til seinna..

Tölvuleysi

2011-06-18T15:59:00.002Z

Vildi bara láta ykkur vita að tölvan mín er enn biluð og því engar myndir í bili...

Heldum upp á þjóðhátíðardaginn í týpisku þjóðhátíðarveðri, vindur, rignin og kuldi. Byrjuðum á því að hlaupa öll saman í kvennahlaupinu og svo var grillað, sungið og leikið sér.

Alfreð er eitthvað súr núna og því læt ég þetta gott heita.

Í útlegð..

2011-06-08T14:35:00.003Z

Hellu

Eitthvað verður þetta nú fátæklegt blogg þar sem engar myndir eru í boði. En windows tók upp á því að neita að hleypa mér í hana, þ.e. eigandann. Vill svo til að ég er líka með aðgang fyrir gesti en get ekki gert neitt nema með leyfi eigandans og ég er farin í útlegð að "þeirra" mati. Er að bíða eftir að tölvugúru muni hjálpa mér.

Annars er það að frétta að enn er ekki komið á hreint með húskaup, en eins og alltaf þá kemur þetta í ljós á næstu dögum...

Ásta er að fara heim 5.júlí. Það verður stór missir! Við erum enn ekki búin að ákveða hvort við fáum okkur aðra Au-pair, en Alfreð fer á dagheimili 3x í viku í október. Mér fannst hann bara allt of ungur til að fara heila viku, en tel þetta sé fínt. Ég held þó að Timme muni vilja fá aðra, þetta er notturulega rosalega þægilegt að geta skotist aðeins út, ég get nú ekki neitað því.

En þar sem engar myndir eru og ég að fara í lokapróf í frönsku á morgun mun ég láta þetta gott heita í bili

Knús á línuna

4ra ára drottning

2011-06-01T19:35:00.004Z

Írena Mjöll átti afmæli núna á sunnudag og bökuðum við skúffuköku og pönnukökur af tilefni dagsins, eftir hádegi sýndi Írena í balletsýningu sem endaði þannig að hún varði deginum þar í staðinn fyrir að halda veislu síðar um daginn. En það er ekki spyrja af því, Írena var hæst ánægð með daginn sinn og heldum við veisluna bara daginn eftir. En svo í leikskólanum birtumst við Timme með skúffukökuna og kerti og var Írena svo stolt og ánægð að það var engu lagi líkt.

Af okkur er bara allt gott að frétta, enn ekki komið endanlega í ljós með húsið en það mun þó gerast á næstu dögum. Við hittum eigandann í gærkvöldi og átti þeir í samningviðræðum Timme og hann. Nú krossum við bara fingur. Ég hef tekið framförum í frönsku enda verið að hitta danska kunningjakonu til þess eins að tala frönskuna, ekki það að mig vantar helling af orðum en þetta kemur allt. Einnig mæti ég alltaf reglulega í sjálfboðavinnuna og mun ég líklegast vera ein næst. Ætti svo sem ekki að vera mikið mál, þó skemmtilegra sé að hafa kollega til að spjalla við, á frönsku auðvitað ;)

Við Timme erum að fara til Danmerkur um helgina án barna, en systir hans gfti sig víst fyrir 2 vikum og verður "ástarpartý" haldið núna á laugardag. Ásta au-pair mun því vera ein með börnin yfir nóttu. Efast ekki um að það muni ganga stórvel hjá henni. En ég vil þó benda á að ég hef einnig tekið miklum framförum í dönskunni og skil ágætlega þegar hópur er að tala saman og á auðvelt með að komast inn í samræður.. Stórt prik fyrir mig!!!

Alfreð dafnar bara og vex, hann er byrjaður að borða ca. 4 sinnum á dag, hann er þó frekar ólunkinn við að koma matnum aftur í munninn og kyngja og því er þetta talsvert sullerí. En honum finnst maturinn góður, borðar ávexti og grænmeti og hafragraut á morgnannna. Er hann líka að borða/drekka sjaldnar núna eða bara samtals 5x á dag. En hann fær einnig mjólk eftir hverja máltíð þó bara í miklu minna mæli.

En ætli ég láti þetta ekki bara duga í bili.. knús í hús

Ein mynd

2011-05-25T16:12:00.000Z

Halló halló er einhver hér ennþá sem kíkir inn, þrátt fyrir blogg- og myndaleysi. En nú er ætlunin að bæta úr því og reyna koma með vikulegt innlegg, taka sig á að taka myndir og koma þeim hingað inn.
Margt búið að gerast á 2 mánuðum, "litli" Alfreð orðinn 6 mánaða og örugglega 9 kg núna. Byrjaður að borða ca. 2x á dag, gulrætur, sætar kartöflur, brokkolí, sveskjur og svo á að bæta við fleirum ávöxtum inn svo sem epli, avocado. Einnig ætla ég að byrja á hafragraut í vikunni. Annars er hann bara hress og kátur og alveg ofboðslega "þægilegt" barn sem dundar sér á maga, á baki, í kerru í rúmi.. Brosir við öllum, en þó er hann eitthvað að byrja átta sig á hverjir eru ókunnugir og hver við erum í hans fasta lífi. Gaman af því.
Er búin að finna dagheimili fyrir hann núna í október, reyndar því miður er ekki hægt að velja hálfan dag eins og einu sinni. En við Timme munum ræða þetta þegar hann kemur heim frá BNA, hvað við munum gera.

Írena Mjöll, verður núna 4ja á sunnudaginn og satt að segja finnst mér ferlegt að halda ekki veisluna á Íslandi, er búin að bjóða einhverjum en bara eitt par hefur sagt já. En hvað um það. Írena mun fá hjól frá okkur foreldrunum í afmælisgjöf. Hún er annars mjög sátt í leikskólanum og talar frönsku nær í hverri setningu, s.s ég fais heitt o.s.frv. Henni finnst ekkert skemmtilegra en að leika við stelpurnar í leikskólanum og vill helst ekki koma inn, sem er reyndar mjög skiljanlegt, enda engar svalir og við förum að öllu jafna ekki út í garðinn hér.
En mér til mikillar gleði erum við búin að finna hús, jeee, með garði beint af eldhúsinu, bílastæði og bílskúr, 450m2 á 4 hæðum hér í hverfinu. Við erum allavega búin að gera tilboð í það og munum líklegast fá mótsvar núna á sunnudag. Þannig það er allt að gerast. Vona svo innilega að þetta gangi eftir.

Annars hef ég verið að ferðast alveg rosalega mikið síðustu helgar, farið til Þýskalands, Barcelona, Danmerkur og svo núna um helgina mun ég ferðast innanlands og svo í byrjun júní er aftur Danmörk. íhaaa,

Mér líður bara vel, og bara ekki liðið svona vel í lengri tíma. Enda loksins farin að taka á mínum málum og við Timme gerðum smá hugarfarsbreytingu á þessum tíma sem ég var á Íslandi. Ekkert nema gott mál og nú er bara halda þeirri vinnu áfram.

Knús á ykkur

Kúba

2011-03-15T17:20:00.001Z

2011-03-15T17:19:00.000Z

2011-03-15T17:18:00.000Z

2011-03-15T17:14:00.000Z

1 ár

2011-02-11T20:03:00.001Z

Það er eitt ár síðan við Írena Mjöll fórum út á flugvöll til að flytja af landi brott. Vá hvað það hefur gerst mikið síðan þá, virðist eins og heil eilíf síðan.

Ætla svo sem ekkert að fara í hnotskurn á þessu eina ári, erum búin að ferðast rosalega mikið, búnar að eignast alveg æðislega tengdafjölskyldu. Einn litinn gutti bættist einnig í hópinn okkar, svo ekki sé minnst á fjölskylduföðurinn... Við Timme stöndum ennþá saman, þrátt fyrir nokkra skelli og aðlögun á báða bóga. Enda stór skref tekin á sínum tíma..
Ætlunin var að fara út að borða á fínum ítölskum veitingastað til að fagna "pappanum" en Timme tók upp á því að veikjast í gær, með hálsbólgu, hita og höfuðverk. Þannig dagurinn hefur farið í að sinna pirruðum Alfreð sem hefur ekki viljað sofa í dag, Írenu sem var eins og ljós og veikum Timme!!

Núna er ætlunin að fara í nám, "pre-natal teacher training" sem er ætlað mæðrum með börn. Námið tekur samtals 2 til 3 ár og eru 4 helgar á ári sem fer í þetta, ásamt því að fylgjast með námskeiðum sem tekur nokkur kvöld. Verður fyrsta "workshop-ið" síðustu helgina í mars. Held að þetta verði bara gaman og eitthvað fyrir mig. Læt betur vita hvað þetta er þegar nær dregur.

Alfreð litli fór í mælingu núna á þriðjudag og er orðinn 6,2kg og 61,5 cm. sem sagt stökk upp um eina kúrvu frá því síðast. Það er heldur betur span á mínum, enda þarf hann líka mikið!

Kúpa eftir 5 daga, búin að fá hótel fyrstu dagana á Havana og mun heimamaður leiðbeina okkur um borgina, en hún er kærasta kunningja Timme. Það verður bara frábært svo þegar þangað er komið munum við plana restina.
Annars finnst mér ég ekki hafa tíma í neitt. Að vera í frönsku 2x í viku og halda einhvers konar heimili þess á milli og sinna öllu hinu, þá hef ég litinn tíma til að dunda mér í svona og finnst reyndar bara best að slappa af yfir DVD á kvöldin milli þess sem Alfreð drekkur.

Þorrablót Íslenskufélagsins í Belgíu var haldið með pomp og prakt síðustu helgi og tókst ótrúlega vel og var þetta hin besta skemmtun bæði fyrir mig og Timme sem skemmti sér konunglega.

En pirraði Alfreð kallar víst á mig núna, "til lukku með eitt ár í Brussel Elín og Írena Mjöll"

Alfreð sterki

2011-01-21T09:58:00.002Z

Jæja Alfreð 2ja mánaða í gær og hann er heldur betur að dafna vel. Einhver mynd er að koma á svefnmynstirð hans og finnst honum voðalega gaman að vaka á kvöldin, alveg langt fram eftir kvöldi. Sem mér finnst ekki eins gaman. Hann sefur aðeins betur í rúmi á daginn en svo náði ég í kerruna upp og legg hann í hana einstaka sinnum líka.

Af okkur er það að frétta að við erum að fá Au-pair í byrjun mars. Mun frænka mín koma og vera hjá okkur í nokkra mánuði. Verður þetta fróðlegt og spennandi að sjá hvernig þetta mun koma út. En hún mun aðstoða við þessi venjubundin heimilsstörf og svo vera með börnin þegar ég fer í frönsku eða dönsku og Timme er í burtu og svo vera með börnin ca. eitt kvöld í viku þannig við Timme getum gert eitthvað saman.

Annars hefur barnapían hennar Írenu komið núna síðustu viku, meðan ég er í frönsku og hefur gengið vel. Svo mun hún koma á laugardagskvöldið og vera með þau bæði meðan við förum út að borða með vinafólki. Það verður alveg frábært að fara aðeins út saman. Drengurinn fær pela á meðan, ýmist með brjóstamjólk eða þurrmjólk, fer bara eftir lagernum mínum.

Hvað meira, Timme hefur lengi langað til að opna bar og hefur hann flakkað á milli þess að hafa vínbar, tapasbar og núna nýjasta nýtt er Shusibar og erum við komin þó nokkuð langt í þeim hugleiðingum og jafnvel komin með 3ja manninn með okkur í þessu. Kemur allt ljós á næstu dögum. Mitt hlutverk er sjá um daglegan rekstur. Spennandi!

Svo virðist vera að Alfreð hafi rauðan blæ í hárinu. Timme fannst alveg nauðsynlegt að klípa í mig vegna þessa þar sem hann sér fram á erfiðleika í ferlinum hans Alfreðs sem komandi atvinnumann í fótbolta.
En hvað um það..

Þar til næst

Gleðilegt nýtt ár 2011

2011-01-11T13:20:00.002Z

Jæja þá erum við komin heim eftir 3ja vikna jólafrí. Það var alveg frábært að vera í Danmörku og kynnast fólkinu hans Timme betur. Eini dagurinn sem ekki nógu góður fyrir mína parta var aðfangadagskvöld en það vantaði alla hátíðleika. En kannski erum við Íslendingar einum of, enda hefur fólk spurt mig hvort við séum svona trúuð.. eee. nei. Á Íslandi var notturulega bara yndislegt að vera og nóg að gera hjá mér, miðað við að vera með eitt ungabarn og náði maður ekki að gera nærri því allt sem manni langaði að gera. Tíminn líður svo hratt og fyrr en varir er maður komin aftur heim, sem mér fannst nokkuð erfitt en er nú búin að jafna mig á því. Finn bara þegar ég er komin til Íslands hvað ég sakna allra mikið.

En hvað um það lífið heldur áfram og lífið hér er komið í sínar fasta skorður. Írena byrjuð í leikskólanum og fannst bara nokkuð gaman að hennar sögn þegar ég sótti hana í gær. Timme byrjaður í vinnunni og byrjaði á því að fara til Köben í gær og er þar enn. Fer svo til Budapestar í lok vikunnar. Ég ætla reyna að fara í frönskuna á morgun, búin að fá okkar föstu barnapíu til að koma á morgun og nú er bara vona að ég megi halda áfram. Sem sagt sé ekki búin að missa of marga tíma til að fyrirgera rétt mínum til að taka lokaprófið. Svo stefni ég að fara í dönskuna á fimmtudag..

Alfreð er notturulega ekki í neinni rútinu og á ekki gott með að sofa langa blunda í rúmi. En hann unir sér vel í bílstólnum og að sjálfsögðu í mömmufangi. Veit að ég get fengið burðarrúm hjá einni hérna og ætla ég mér að prufa það til að nota í daglúrunum hans, sjá hvort að hann uni sér ekki betur þar. Annars fórum við Timme á laugardag að leita að barnavagni það gekk ekki betur en svo að við gengum tómhent út og súr út í hvort annað. hehe, svolítið fyndið en við gátum engan veginn verið sammála hvað við ættum að kaupa. Skil enn ekkert í mér afhverju ég vildi endilega að hann kæmi með að velja.. Sjáum til ætla fara í vikunni og skoða þetta í rólegheitunum.

Alfreð fékk vegabréfið sitt á Íslandi, best að hafa það í lagi, enda erum við á leið til Kúpu þann 16. feb til 1.mars ef ég man rétt. Mikið æðislega verður það gaman, verðum í þægilegum hita um 20-25 gráður. Tökum lestina til Parísar og svo fljúgum við þaðan í beinu flugi til Kúpu í ca. 10 tíma. Verður fróðlegt hvernig það mun ganga með eina litla skottu og einn lítinn snáða sem þarf að halda á allan tímann.

Hann var annars í skoðun í dag og er heil 5150gr og 57cm. Hálfu kg þyngir en Írena á þessum tíma, enda fæddist hann líka hálfu kg þyngir. En svo er hann 2cm stærri, en hann er nú líka strákur. En hann fékk sínar fyrstu bólusetningar í dag. Þessa venjubundnu sem er gefin um 3ja mánaða á íslandi og svo lungnabólusetningu. Svo ávísaði hún mér annarri bólusetningu vegna niðurgangs sem er ráðlagt að gefa vegna Kúpu ferðarinnar. Sem ég gef rétt fyrir ferðina og svo á eftir.

Þar til næst

Jólafrí

2010-12-08T13:26:00.004Z

Jæja, rétt rúm vika þar til við förum í frí. Byrjum á því að fara til Danmerkur, þar sem er nær "full time" dagskrá. Byrjar á því að Timme fer fyrstu tvö kvöldin í "Julefrokost" með vinum sínum. Hann fær þó enga miskunn á sunnudeginum í þynnkunni sinni. Gæti þó verið honum til happs að við gistum hjá systur hans og Írena hefur hvorki tíma né löngun til að trufla hann, þar sem systir hans á 2 frænkur á svipuðum aldri. Sem verður bara frábært fyrir Írenu. Við munum svo síðar gista hjá nágranna mömmu hans sem fer í burtu yfir jólin og fáum við íbúðina hans lánaða. Annars eru flest kvöldin upptekin með jólaboðum í fjölskyldu hans. Eitt kvöldið ætla ég þó út og vera barnlaus og "ábyrgðarlaus" og hitta vinkonu mína sem býr þar. Svo er stefnan sett á Ísland og verður líka nóg að gera þar, matarboð með hjúkkum og svo annað með menntaskólapíum. Gaman væri að taka að minnsta kosti eitt sjósund og svo er afmæli og þrettándabrenna. En það kom ekki annað til greina en að vera yfir þréttandann á Íslandi. Áramótum verður svo eytt heima hjá múttu og pápa, en það mun vera matur með allri fjölskyldunni.

Það gengur bara vel með litla mann, hann er kominn með neyðarvegabréf, 2ja vikna gamall á myndinni.. bara krúttlega. Kem með mynd af því síðar. ;) Hann drekkur vel, þyngist líka vel, kominn í 3,7kg. Hann er byrjaður að sofa aðeins betur á næturnar, og búinn að sofa heila nótt í sínu rúmi, en það þarf að passa að vefja hann, því af öðru leyti sefur hann ekki. Sem sagt finnst mjög gott að vera í mömmufangi, er byrjuð að bera hann líka einstaka sinnum á daginn, í slingi, því annars lætur hann bara eins og sísvangur.

Við erum að leita að Au-pair, þannig ef þið vitið um einhverja barngóða sem er til í að koma til Brussel í jan/feb, má endilega láta mig vita.

Ég er ekki að átta mig á því að það eru að koma jól. Hér byrjar jólatryllingurinn mikið seinna en á íslandi, ef einhver tryllingur er hér. Rétt núna sem búðir eru byrjaðar að skreyta fyrir jól. Hef líka bara einu sinni heyrt jólalag í útvarpinu. Heimilið álíka mikið skreytt og búðirnar, einn jólasokkur, jóladagatal og svo lítill aðventukrans. Tók mig þó til í nóvember og bakaði tvær sortir af jólasmákökum. En jólafílingurinn er samt talsvert fjarri...

Hvað fleira er í fréttum, við erum að skoða ferðir til Kúpu um miðjan febrúar og fá einhverja sól til að brjóta upp veturinn, það væri bara frábært. Kemur í ljós síðar...

20.nóv 2010 - Alfreð Elínarson Døssing

2010-11-30T09:43:00.000Z

Við komum heim síðasta miðvikudag eftir 4 daga legu á spítalanum og naut ég þess virkilega að vera þar í nokkra daga. Æðislegt að njóta fyrstu dagana í ró og næði. Líka æðislegt að koma heim.
Fæðingin gekk mjög vel, missti vatnið um nóttina en svo gekk þetta nokkuð hægt fyrir sig og var sett upp dreypi. Þegar leið á daginn gekk þetta hraðar fyrir sig og skaust hann út á endanum. Svo hratt var þetta í lokin að Timme var heppinn að missa ekki af fæðingunni, en hann þurfti að sveiflast með Írenu en hún hafði 3 barnapíur þennan dag, litla skottið.
En eftir langan aðdraganda skaust drengurinn út á nóinu, ljósurnar voru ekki einu sinni tilbúnar til að taka á móti.

Allt hefur gengið eins og í sögu eftir að heim var komið, drengurinn drekkur vel og skilar vel af sér. Vakir mjög mikið, alveg í klst í einni lotu, alveg eins og Írena á sínum tíma. Reyndar þarf hann mikla huggun á kvöldin og næturnar og fær hann því bara að kúra hjá okkur hjónaleysunum um nætur.
Írena nýtur þess í botn að vera stóra systir og passar vel upp á litla bróður, þó hún er ögn harkaleg stundum í meðhöndlun. Stekkur hún upp til að stinga snuddu upp í drenginn ef hann grætur, hjálpar til að skipta á honum og vill líka gefa honum brjóst. Hún hefur notið góðs af því að amman í Mosó mætti fljótlega á svæðið og hefur ekki farið í leikskólann og fær að kúra í ömmurúmi um nætur.

Myndaleysi

2010-11-16T10:36:00.004Z

Er alveg ofboðslega ódugleg að taka myndir núna, en ég býst við því að það muni rætast úr því þegar nýr erfinginn lýtur dagsins ljós. Hér er bara allt fínt að frétta, höfum haft gesti síðustu helgar, fjölskyldan hans Timme hefur verið dugleg að koma, enda býr brósi hans hér og fólkið hans notar tækifærið til að koma í heimsókn. Enda stutt og tiltörlega ódýr flug á milli. Smá öfund hérna megin.

En hvað um það...6 dagar í settan dag, átti afmæli í gær og var vakin (reyndar löngu vöknuð) með te og ávextum í rúmið og fullt af gjöfum, svo fórum við út að borða í hádeginu og áttum svo ljúfa kvöldstund í gærkvöldi.

Annars eru bara rólegheit hér og ekkert nýtt að gerast, við Írena erum byrjaðar að baka fyrir aðventuna. Piparkökur og ömmukökur komnar, reyndar þarf að fela kökurnar vandlega svo þær verða ekki étnar upp til agna. En við Írena ætlum svo að mála nokkrar piparkökur eftir leikskólann hennar í dag. Svo er ég búin að kaupa jólasokk fyrir Alfreð, sem ég pantaði í gegnum netið og kom í gær. Mun þó ekki byrja á honum fyrr en eftir áramót, þar sem önnur verkefni eru meira áríðandi núna.

Jú meðan ég man, nú er komið nýtt "vandamál" Timme vill endilega nefna Alfreð, "Alfreðo" ÓMG!! er ekki verið að grínast í mér, með íslensku ð inn á milli. Kannski bara Alfreðó, með ó-i í endann.. Sem betur fer má hann ekki fara einn og skrá barnið inn, þar sem við erum ekki gift. Ætla ekkert að nefna að hann getur fengið sérstaka pappíra frá lækninum til þess svo hann fari ekki að gera neitt í leyfisleysi...

Yfir og Út

Kúlheit

2010-10-30T10:04:00.004Z

Timme þarf að ganga með sólgleraugu þessa dagana, en hann fór í leiser-aðgerð með augun í síðustu viku sem gekk bara mjög vel. Síðasta helgi var þó mjög erfið fyrir hann, verkir og fór laugardagurinn bara í að sofa og vera upp í rúmi, vegna lyfja sem hann fekk með þessu. Svolítið skrýtið miðað við að ferlið á Íslandi er allt allt öðruvísi og ekki verkir sem fylgja og engin lyf, hvorki í töflu eða dropa formi. En hann er ánægður með útkomuna sem er aðalatriðið.

Annars er allt að koma hér, búin að kaupa skiptiborð og vonandi bílstól í gegnum ebay-belgíu. Reyndar tekur rúman klst akstur að ná í skiptiborðið sem ég pældi ekki í þegar ég var að bjóða í borðið. En bílstólinn er bara hér í Brussel. Léttir að hlutirnir séu að koma og nú er bara rúmið og ælta ég að kaupa eins rúm og Írena átti á Íslandi. Piff þvílík vitleysa að flytja ekki alla búslóðina hingað. En maður var á varðbergi í byrjun og þorði ekki að taka allt með.

Við fórum í gær að skoða fæðingardeildina og var "sýningin" á frönsku. Skildi alveg sumt en hefði viljað hafa þetta ensku, en það er of seint fyrir mig ef ég vil hafa enska leiðsögn. Við fengum að sjá glænýja fylgju og var gaman að fylgjast með svipbrigðunum á fólkinu, heheh.
Er ég að fara í mónitor í næstu viku, bara til að ath hjartslátt og hvort einhverjir samdrættir séu. En það er það sem mér finnst vanta á Íslandi, en það mætti setja inn í skoðunina að ath leghálsinn. Þannig maður er með einhverjar vísbendingar um komandi fæðingu..

Ég er svo komin í íslenskan bumbu og barna hóp. Munum við hittast 2ja vikna fresti á kvöldin án barna.. því karlarnir elska að gefa börnunum bara í pela.. ohh það verður æði. Svo á meðan íslensku skóli Írenu er, er oft farið saman á kaffihús, bara frábært að vera komin í íslenska menningu. Reyndar eru flest þeirra í gegnum íslenska kerfið og vita því voðalega lítið hvernig kerfið virkar hér.
Allavega fekk Timme að vera heima með dótturina í fyrsta skipti allt kvöldið síðan við fluttum og fannst honum þetta ekki til að hrópa húrra fyrir. Hann verður víst að fara venjast þessu. Ekki bara mamman sem sér um börnin með karlinn sinnir sínum félagslegum þörfum. Hehehehe.

Einhver hugmynd er að fá Au-pair þegar líður á vorið/haustið í stað þess að setja drenginn í "chrece". Sjáum til hvernig þróast

En um 3 vikur í settan dag allt of stutt eftir....

8 mánuðir

2010-10-11T15:20:00.005Z

Þá höfum við Írena Mjöll búið hér í Brussel í 8 mánuði í dag. Þetta er fljótt að líða og eftir rúman mánuð hef ég slegið metið mitt í að búa ekki á Íslandi. En ég bjó í rétt rúma 9 mánuði í Þýskalandi fyrir 10 árum síðan. Eftir 9 mánuði í Þýskalandi gat ég talið góða þýsku, því miður get ég ekki sagt það sama með frönskuna. Er réttara sagt alveg skelfileg í henni. Jæja gefum þessu tíma, enda á ég ekki frönskumælandi vini eða heyri frönsku dagsdaglega eins og raunin var með þýskuna.

En veðrið hefur leikið við okkur síðustu vikur, fékk tengdamömmu í heimsókn um helgina ásamt dóttur bróður Timme sem er fluttur inn til okkar, Josefine, 2ja ára hnátu. Írena var hin lukkulegast með nýjan leikfélaga og þótti ekki verra að passa upp á hana, klæða hana úr skónum, reyna að halda á henni o.s.frv.. Timme til mikillar lukku, sá þarna væntanlega barnapíu fyrir Alfreð.

Í gær fórum við að týna epli af trjánum. Keyptum 25L af nýpressuðum eplasafa, því miður var þetta ekki akkurat okkar epli sem við týndum, en þetta var rosalega huggulegt að fara í sveitasæluna og ferska loftið.

Fór svo aftur í blóðprufu í síðustu viku og þarf víst að taka inn meðal það sem eftir er að meðgöngunni, byrjandi toxoplasma sýking. En skv. lækninum er engin áhætta fyrir barnið, hvorki af sýkingunni né lyfinu. Annars er ég bara þreytt, sef ekki heila nótt lengur, ekki að ég sé alltaf að vakna vegna bumbunnar, bara vakna og er svo andvaka. Mjög svo þreytandi.

Lítið vídeó af Írenu, þóttist syngja við míkrafón stuttu áður en ég tók upp myndbandið. Þetta var bara skondið að sjá.

En þar til næst

Írena Mjöll

2010-10-03T15:44:00.001Z

Svo virðist sem Írena Mjöll sé að blómstra núna loksins. Sátt við að fara í leikskólann og hleypur orðið að honum og hefur vart tíma til að kveðja. Talar um að fara heimsækja stelpur úr leikskólanum og margt miklu auðveldara. Hún leikur sér orðið mikið ein í sínu herbergi þó það þurfi stundum að minna hana á það. En hingað til hefur hún lítið gert í því að dunda sér ein. En þessa helgi hefur hún dundað sér allt að tvo tíma við að leika sér í herberginu. Hvort sem er að leira, teikna eða sinna dúkunum sínum. Ætla ég svo fljótlega að fara kaupa eldhús handa henni til að setja í herbergið. Dekurrófan, á ekki einu sinni afmæli :)

Fer í ballet 1x í viku og bros út að eyrum eftir tímana og ekkert er skemmtilegra en að klæða sig upp þegar heim er komið. Börnin þurfa að vera ákveðin klædd, sérstökum skóm og sokkabuxum en búningurinn að eigin vali. Fór bara í H&M og keypti búninginn þar, en skóna og sokkabuxurnar í sér dansverslun. Kennarinn þar talar um að það gangi mjög vel með hana og svo virðist vera að hún skilji orðið allt sem sagt er á frönsku við hana.

Í dag fór ég á "Nearly new sale" á vegum BCT þar sem hægt er að kaupa föt fyrir allt að 1 eur. Fór ég ásamt kunningja konu og mannsins hennar að versla fyrir komandi erfingja, meðan Timme var með Írenu. Fann svo þennan snilldarbúning á Írenu litlu. En þarna er hægt að versla frá meðgöngu og nær allt sem fylgir barni upp í ca 7-8 ára. Gerði ég nokkur mjög góð kaup að mínu mati.

Við Írena erum svo á leið til London á miðvikudag og verðum í 2 daga hjá kunningjafólki sem ég kynntist þegar ég var síðast í Króatíu. En konan sem ég er að heimsækja er dóttir guðföður Olivers og á hún eina stelpu hálfu ári yngri en Írena og er svo sett núna 3 vikum á undan mér. Ætlunin er að slappa af, versla smá og skoða sig um í London. Verður alveg frábært.
Mamma Timme er svo að koma næstu helgi ásamt dóttur Jeppe sem flutti inn til okkar í gær. Ég efa það ekki að ég verð orðin frábær í dönskunni eftir dvöl hans hér. Líka byrjuð í dönsku tíma einu sinni í viku á kvöldin og er svo miklu miklu auðveldara að læra dönskuna heldur en frönskuna.

Á morgun fer ég og hitti Kínin, svo kallaðar dúllur að ég held á Íslandi. En læt vita betur næst út á hvað það gengur þegar ég er búin að tala við hana.
Annars er ég bara í góðu formi, litli Alfreð í góðum gír og er í meðal þyngd, skv vaxtarsónar. Mjög líklega meðalþyngd miðað við börnin hér, verður kannski um 3 kg. Annars þarf að endurtaka blóðprufur í vikunni þar sem "cosmoplasma" er enn 0 hjá mér, veit ekki hvað það þýðir, sjáum til.

Þar til næst, bisous

Hitt og þetta

2010-09-17T12:29:00.001Z

Af Írenu Mjöll er bara allt fínt að frétta, byrjuð á fullu í leikskólanum, reyndar var fyrsta vikan eitthvað erfið fyrir hana, en nú er ekkert mál að fara í leikskóla þó hún reyndar nefnir alltaf að hún vilji ekki fara. Hún er byrjuð að tala miklu meira á frönsku, þó hún tali alltaf íslensku við mig, þá slæðast fleiri og fleiri orð á frönsku inni í setningarnar.
Á eftir leikskóla núna á eftir er hún að fara í sinn fyrsta danstíma, prufu tíma. Held að þetta sé balletskóli, en fyrir hennar aldurshóp er þetta bara kynning á dansi 1x í viku ef okkur líkar vel. Verður spennandi að sjá hvernig þetta fer.
Nú mun Timme fara með hana 2x í viku í leikskólann, þar sem ég er byrjuð aftur í frönsku, reyndar á öðrum stað og margfalt ódýrara. Fer reyndar bara 2x í viku á morgnanna. Fyrsti tíminn minn var sl. miðvikudag og vorum við bara 3 í tímanum. Vona að það haldist þannig, því þetta er hálfgerð einkakennsla. Mjög gott fyrir mig og ég get æft meira talmálið, en kennarinn gagnrýndi mig virkilega síðast.. obobob

Svo erum við komin með heimilishjálp, ohhh það er svo mikill lúxus að þurfa ekki skúra þetta bévítans gólf hér. Daman kemur einu sinni í viku, mun ég vera heima til að byrja með en mun svo seinna meir bara láta hana fá lykil. Reyndar hvetur þetta mig nokkuð til dáða, því það er margt sem mig langar til að dytta að hér, með mismikinn fögnuð Timme. Allavega er ég/erum við í smá endurhönnun hér, enda mun Jebbe koma til okkar um mánaðarmótin og vera hjá okkur í 2 mánuði. Stefnan er líka að flytja aftur upp, því að herbergið hér niðri er ekki praktískt til að vera líka með barnarúm inni. Í dag var ég svo að kaupa fataskáp fyrir Írenu. Verður æðislegt og gott að fá pláss fyrir fötin hennar og koma þeim almennilega fyrir en ekki vera með þau í skjalaskáp ;)
Við Timme ætlum í SPA á morgun, 2 og hálfs tíma nudd og slökun.. mmmm hlakka ekkert smá til. Jebbe bróðir hans mun vera með Írenu á meðan, en það er orðið talsvert síðan að við gerðum eitthvað bara við 2 saman. Alltaf gott að rækta sambandið. Mér finnt þó best að taka það fram að ég pantaði tímann á frönsku í gegnum síma!! Er MJÖG svo stolt af mér ;)

Bumbumynd, komin um 30 vikur á þessari mynd. Mér finnst ég vera stærri en síðast, er þó ekki viss. Allavega finn ég mun meira fyrir þessari meðgöngu en síðast. Enda þarf svo sem ekki mikið til, þar sem síðasta meðganga tók ekkert á. Er oft með samdrætti núna, þó enga verki en stundum velgja sem fylgir með. Einnig er mjóbakið aumt og þá sérstaklega á morgnanna og mjöðmin eitthvað að stríða mér.. kvartkvart...

En jæja læt þetta gott heita.

Ýmislegt

2010-09-06T11:19:00.004Z

Ætlaði fyrir þó nokkru að blogga fréttir, jafnvel að setja myndir. En viti menn það hefur bara verið nóg að gera hjá mér, og eftir að Írena kemur heim úr leikskólanum er bara óskaplega lítill vinnufriður til að dunda við eitthvað svona.
Veðrið hefur líka verið ágætt sl daga. Fannst þó á tímabili að það væri bara komið haust, sem það er reyndar en komon sumarið ætti að duga lengur hér en á Íslandi. Samt ekkert hægt að kvarta, en hægt að vera í opnum skóm og í léttri peysu.

Af mér er að;
.. ég er komin "á fullt" í BCT, búin að skrá mig í allskyns hópa og mun hjálpa til við Christmas fun day sem verður miðjan desember, en undirbúningur mun hefjast núna í september með fundum.
.. ég er byrjuð í pilates - einkatímum, keypti 5 tíma og ætla kaupa 5 tíma í viðbót þrátt fyrir að þetta sé frekar dýrt. Stefni ég að því að fara þangað 2x í viku. En þetta er bara svo frábær leikfimi.
.. ég er byrjuð (reyndar fyrir talsverðu síðan) að hjóla um bæinn - hjálmlaus - en Brusselbúar hafa gert mikið átak að koma hjólamenningu upp og er hægt að leigja hjól á nær 300m millibili um alla borg þó, aðalega miðsvæðis.
.. ég hef ekkert heyrt frá Rauða krossinum, hún sendi mér mail í síðustu viku að hún ætlaði að senda mér upplýsingar á næstu dögum þar sem þau gætu pottþétt nýtt sér starfskrafta mína. Kannski er ég bara óþarflega óþolinmóð.
.. ég er komin með belgískt debetkort og netbanka, reyndar fékk ég mér það í vor, en er fyrst núna að virkja það og bíð eftir PIN-númerinu kominn inn um bréfalúguna.
.. ég er hætt að þrífa!! Heimilshjálpin mun mæta í fyrsta skipti núna á miðvikudaginn kl. 9:00. Ohhh það verður svo ljúft.

Eflaust eitthvað meira að frétta, Timme talar um að það verði svo frábært eftir að óléttunni líkur og þetta séu bara 2 og hálfur mánuður að þrauka fyrir mig, því þá verð ég ekki lengur einmana. "hóst, ræsk.. o.s.frv." æ hvað hann veit lítið hehehe, mest einangraðasti tími fyrir konur í uppsiglingu. En ekki spurning þetta var sagt í góðri meiningu.

Írena byrjuð í sínum leikskóla, kominn með annan kennara sem mér lýst bara nokkuð vel á. Ekki alveg sátt við að sleppa af mér hendinni á morgnanna, en þetta vonandi kemur. Það gengur allavega mjög vel á leikskólanum sjálfum og talar hún einhverja frösnku, en þær fóstrurnar skilja vel hvað hún er að meina og vill.
Einnig mun hún vera lengur í skólanum á miðvikudögum, en lenskan hér er að hann er bara til hádegis á miðvikudögum. Ákvað ég að byrja strax á þessu núna en ekki síðar í vetur og setja samasem merki þegar litli Alfreð birtist að þá verði hún að vera lengur í leikskólanum. Sjáum til hvernig gangi
Jebbe bróðir Timme mun víst ekki búa hjá okkur, þar sem honum var útvegð íbúð, en hann mun þó sinna barnapíu hlutverki einstöku sinnum og það gæti verið að hann kæmi inni síðar í vetur. Var hálf skúffuð að hann flytti ekki inn, myndi örugglega bæta dönskuna mína um helming.

En jæja, ætla versla smá áður en ég sæki Írenu af leikskólanum.

Myndir frá Sikiley

2010-08-26T22:14:00.001Z

Jæja þá eru myndir frá Sikiley aðgengilegar á netinu, hinar myndirnar koma síðar. Hvað ætli ég sé búin að segja það oft.

En hvað um það, þetta var alveg ótrúlega góð og skemmtileg ferð. Byrjuðum á að fara til Palermo og eyddum þar nokkrum dögum. Borgin var ótrúlega heillandi á sinn hátt og svo langt í frá því sem ég hafði gert mér í hugalund, skítug og fátæk. Með sínum litlu verslunum út um allt, sem ég því miður tók ekki mynd af. Flest öllu lokaði um kl. 21 á kvöldin og var frekar erfitt að finna veitingastað á kvöldin. Næst var farið í rútu og keyrt til Catania og áfram til Giardini Naxos, sem er ekkert nema túristastaður fyrir sólþyrsta ítali og kannski einhverja aðra. Þar dvöldum við í nær 2 vikur í sól og hita og skruppum í 2 dagsferðir, fyrst á eldfjallið Etnu og svo til eldfjallaeyjarinnar, Libru sem voru bara æðislegar ferðir. Að lokum eyddum við hálfum degi í Cataniu sem hefði mátt vera aðeins lengur.
Írena skemmti sér heldur betur við að fara daglega í sjóinn eða í sund, enda fekk hún loksins sjálfstraustið til að "synda" ein.

En hvað um það, síðustu helgi skruppum við til London - barnlaus- þar sem 40 ára afmæli kunningja Timme var haldið með pomp og brakt, við komuna leið mér eins og ég hefði vilst í partý hjá
Jón Ásgeiri og hans líkum. Snoppið virtist drjúpa af hverju nefi, en svo þegar leið á var þetta fólk bara eins hinn almenni borgari. Maturinn var samt æði og ekkert til sparað og gátu gestir drukkið eins og þeim lysti í 9 tíma streit, svo eftirpartý eftir það. Enda var gaman að vakna upp við parið á móti okkur á hótelinu koma dauðadrukkið heima. "DU SKAL IKKE SLAMME MIN RÖVEN!!!" og svo kinnhestur í kjölfarið svo söng í öllu, ásamt áframhaldandi fúkkyrðum. Karlkreyið hafði ekki einu sinni rænu til að gera neitt. hehe

En hvað um það, Danmörk á morgun, brúðkaup á laugardag og mun amma Lísa vera með Írenu á meðan. En svo helgina á eftir kemur Jeppe bróðir Timme og mun búa hjá okkur næstu 3 mánuðina. Timme yfir sig ánægður með að fá ókeypis barnapíu og einhvern til að bera matinn heim. Ég er svo sem ekkert stór á mér, en það er byrjað að taka í, enda stiginn snarbrattur og við á 4.hæð. Annars er ég að byrja í pilates í næstu viku, fæ 2 einkatíma og svo get ég verið í ca. 6-8 vikur áfram ef ég treysti mér. Dönskunám einu sinni í viku, komin inn í BCT og er hittingur næsta þriðjudag, með börn á svipuðum aldri og Írena í mínu hverfi.

Íslandsferð

2010-08-02T20:50:00.000Z

Jæja þá erum við hjónaleysin erum komin aftur heim til Brussel, eftir mjög svo góða ferð til Íslands, þar sem veðrið lék við okkur.
Timme var í 10 daga og ég í 2 vikur. Dró ég fjölskylduna upp á Esjuna og gerði út af við þau bæði. Írena var þó mjög dugleg og gekk nær 80% leiðarinnar, upp og niður.

Við nutum okkur bara í Reykjavík fyrstu dagana, fórum í Bláa lónið, sund, Timme í ræktina og heimsóttum vini. Svo var farið í 2ja daga sumarbústaðsferð í Borgarnesið með stúlkunum úr menntó, ásamt mökum og börnum. Var þetta snilldar staður, stutt frá borginni, stór bústaður með frábæru umhverfi fyrir börnin.

Næstu daga á eftir var einnig dvalið í Reykjavík og var ekkert stress á mér í þetta skiptið við að hitta allt og alla. Heldur bara slappað af í heita pottum, borðaður góður matur og
Þegar Timme var svo farinn, skellti ég mér í bíó með skvísunum á Sex And The City 2, þar sem NYC helgarferð var plönuð.. svo að sjálfsögðu var farið í sjósund, ásamt því að finna handavinnu handa kerlu og hafa það gott.

Á morgun er svo ferðinni heitið til Sikileyjar, í 30 stiga hita í 2 og hálfa viku. Allt að verða tilbúið í ferðina, er að hlaða inn tónlist inn á tölvuna til að setja inn á "fyrsta MP3-spilara" Írenu Mjallar.

Annars er þetta bara stutt og laggott núna.

Börnin í pottinum í sumarbústaðnum

Svitatíð

2010-07-12T09:44:00.000Z

Jæja eftir marga daga í svita og kófi er loksins að kólna í veðri og "bara" 25 gráður í dag, reyndar skýjað og rigning. En mikill munur eftir að fór hátt í 35 stig, sól og raka.. Púff..

Keyrðum til Frakkalands þar síðustu helgi ( jeminn, tíminn flýgur svo hratt) og stoppuðum við í París á leið heim og röltum um Effelturnar svæðið, og fórum svo á kaffihús og fengum okkur ís og köku. En Írena fær orðið ís á hverjum degi ef ekki 2sinnum á dag. Meiri óreglan á þessu heimili.
Helgina á undan fórum við til Danmerkur og þar kynntist Írena fullt af nýju frændfólki og voru 2ungar frænkur á svipuðu reiki og hún sjálf mest uppáhald og talar hún oft um að hitta stelpunnar hennar Dittu, sem er alsystir Timme.

Þessa helgina fórum við í sund, rosalega flott, um 40 min akstur út fyrir Brussel, en vel þess virði. Tala nú ekki um þegar molla hefur verið í borginni og saknaði ég mikils íslenskra sundlauga og kalda vindins. En eftir að ég skráði mig í BTC- félag komst ég að nokkrum æðislegum svæðum hér í kring fyrir börn. Bara flott að vita..

Ísland eftir 4 daga og mun systa lána mér íbúðina sína og bílinn sinn, meðan hún dvelst í BNA sem er massa gott, en leitt að þau Timme munu ekki hittast í þessari ferð, en þar sem við Írena dveljumst lengur munu þau Írena og Húnbogi fá tækifæri til að hittast. Verður ekki spurning vonbrigði fyrir Írenu að gista heima hjá Húnboga frænda en enginn á svæðinu.

Annars eru útsölur núna í gangi og þar sem ég fekk staðfest aftur í dag að þetta væri strákur sem ég gengi með ætla ég aðeins að kíkja í H&M og versla smá ;)

Later..

Lasaríus

2010-06-18T19:27:00.003Z

Írena er búin að vera lasin síðustu daga, byrjaði með hita þriðjudagskvöldið og á miðvikudag var hún alveg útsleigin, miðað við hennar sögu braggaðist hún þegar leið á kvöldið og fór hún í leikskólann daginn eftir. Eitthvað hefur hún þó verið eftir sig og hefur verið með hita í dag einnig og niðurgang. Greyið litla.

Áður en hitinn kom fórum við þó í smá göngutúr í einn garðinn hérna með leiktækjum.

Í kvöld erum við svo bara einar í koti, Timme farinn til DK að steggja vin sinn og við Írena horfum á "chikcen run" á frönsku. Í gær fór ég á kynningarfund rauðakrossins hér í Belgíu, þar sem allt fór fram á frönsku. Jeiii dugleg ég. Get nú ekki sagt að ég hafi skilið margt en þó meginatriðin. Bæði komst ég af því að það er frekar aktífur hópur hér í hverfinu mínu og einnig ensku mælandi. Ég hallast nú frekar að hópnum hér í hverfinu, þeas. ef þau hafa áhuga að hafa mig í eftirdragi og æfa frönskuna mína.

Í næstu viku fljúgum við svo til Köpen og fögnum afmæli Timme, helgina á eftir förum við til Frakklands að spila gólf með hluta af fjölskyldu hans.

Mér finnst þessi mynd alveg snilldin ein og varð að láta hana fylgja, mun svo setja á næstunni (næstum) allar myndir sem ég hef tekið hér í Brussel á netið, en þar til næst!

Grasekkja??

2010-06-13T16:11:00.004Z

Jaeja, nu er fotboltatidin hafin, 3 leikir a dag naestu 2 vikurnar. Reyndar tarf Timme ekki ad horfa a hvern leik, en tetta er nu svo sem i lagi. Erum ad fara i kvold og horfum a Tyskaland-Astraliu. A morgun er tad svo notturulega Danmork-Holland, verdur an efa spennandi. Reyndar er tetta bara nokkud gaman, enda er stemmningin svo mikil og alskyns tjoderni her sem stydja sin lid og halda party.

Hittingur hja islendingafelaginu var sidasta fostudag, reyndar var ekki eins margt um manninn eins og sidast en to nokkud fint ad hitta islenskt andlit, svo verdur 17. juni haldin hatidlegur tann 19. juni i sambland vid kvennahlaupid. En vid Irena erum ad sjalfsogdu bunar ad skra okkur til leiks, Timme verdur fjarri godu gamni tar sem steggjarparty verdur haldi i Danmorku a sama tima. Hann stefnir svo ad tvi ad fljuga kl 6 sunnudagsmorgni, krossum fingur ad hann missi ekki af fluginu heim :)

Vid flugjum svo heim til Islands tann 16. juli og verdur hann a landinu i 10 daga. En vid Irena i 2 vikur. Tannig ef einhverjum langar i utilegu a tessum tima, eda gongu eda eitthva skemmtilegt, endilega hoid i mig!! Eg atti flug tann 12. en let breyta tvi, tvi mig langar mikid til ad taka naesta kurs i fronsku sem lykur tann 16. Er eg ordin bara agaet i malinu en maetti to aefa mig meira ad tala. For reyndar a fostudag og skradi Irenu i "sumarfrisskola" a fronsku. Mjog gott hja mer. Eftir sumarfri aetlar svo eiginkona vinar Timme, hun Musimu ad hitta mig nokkrum sinnum i manudi og hjalpa mer med talfronskuna.

Naesta fimmtudag er hittingur hja raudakrossinum til ad kynna sjalfbodalidsstarfid. Reyndar verdur kynningin a fronsku en eg mun vist geta spurt spurninga a ensku, sjaumt hvernig tetta fer, en an efa se eg tad jakvaeda ad franskan min baetist, tad er ef eg finn einhvern hop vid mitt haefi. Irena talar ordid mjog mikla fronsku nuna, reyndar helt eg bara ad tad vaeri eitthvad babl, en tegar barnapian heyrdi i henni, hun bara vaaaaa, hun talar fronsku!! Jaeja gott ad vita ad annar skilur barnid mitt betur en eg...

For i sonar a fimmtudag og er von a litlum Alfred Elinarson Dossing i lok nov, svo var eg ad fretta af vel skipulogdum samtokum fyrir fjolskyldur og bumbukonur, sem halda hitting minnst einu sinni i viku i hverju hverfi. Glaesilegt. Felagslifid er allt a upp vid, sem er bara magnad.

Myndir koma seinna! (mjog fljotlega)

Au revoir

Stemmning

2010-05-19T19:49:00.000Z

Írena fór í leiktæki hér um daginn í smá tivolí sem er hér rétt hjá. Sú var ekkert smá kát með að fara í bílinn. Hefði sjálf vilja fara ef ég væri svona lítil eins og hún..
Nóg að gera hjá mér í síðustu viku, hvert kvöldið á fætur öðru einhvers staðar á flandri. Hvort sem var í partýi hjá skólafélögum eða út að borða. Gaman að þessu og eru við krakkarnir sem hafa verið frá byrjun í frönskunáminu aðeins að hrúga okkur saman. Hef fengið aðra barnapíu (fyrrum skólafélagi) sem hlakkar óspart til að passa Írenu ef svo vill til að Emmie, okkar fasta barnapía klikkar.

Búið að vera frekar kalt síðustu viku og er loksins að byrja hlýna og er yfir 20°C næstu daga og sól hér á bæ, sem reyndar kemur mér ekkert við enda er ÍSLANDSFERÐ á morgun og munum við Írena dvelja í viku. Hlakka ég óspart til að koma, fara í sund, fara og fá mér hin alskyns óþverra sem bara er hægt að kaupa á Íslandi, namminamm.... Tala nú ekki um að hitta alla og knúsa..

Hef svo planað ferð aftur í júlí til Íslands og vera frá 12.- 30. júlí, sem sagt 2 og hálf vika. Held að minna megi það ekki vera, langar í útilegu, göngu, bústaðsferð og margt fleira. Þannig ef einhver er að ferðast um landið á þessum tíma ekki hika við að hafa samband..

En já knús og kossar og sé ykkur í vikunni ;)

Gamalt og gott

2010-05-06T11:39:00.007Z

Gamlar og góðar myndir síðan að góða veðrið var og hét. 20 stiga hiti og meira, alveg upp í 28 gráður.. mmm það var bara næs..
Við skruppum einn sunnudaginn að afríkanska safninu og garð. Þar sem fullt af fólki kemur til að hjóla, veiða eða fara í pikknik og hafa gaman.

Á morgun förum við til Þýskalands í Weinprobe im Weinkeller, þar sem nokkrir vinir koma saman til að fagna afmæli og að ég held tilvonandi giftingu einhvers parsins þar, hljómar mjög spennandi..

Annars er búið að vera kalt hér í borg sl daga. "Bara" 10 gráður eða hér um bil, rigning og kaldur vindur.. Brrr..

Tók frönskuprófið með fyrstu einkunn, 7,7. Held að það sé bara nokkuð gott. Erfiðast er að hlusta og tala.. jæja þetta kemur. Er loksins byrjuð að læra meira í frönskunni hér heima, hlusta á franskar æfingar fyrir útlendinga áður en ég fer að sofa og geri æfingar.

Mér var bent á að kíkja og sjá hvort ég gæti ekki gerst sjálfboðaliði hjá rauðakrossinum og sendi ég þeim póst og ætlar konan þar að tala við kollega sín og sjá hvort þau geti ekki fundið eitthvað fyrir mitt hæfi, þrátt fyrir frönsku/flæmsku skilningsleysi.

Ég stefni að því að fara að minnsta kosti einu sinni út í viku á kvöldin, ein. Það er án Timme og Írenu til að gera eitthvað aðeins meira fyrir sjálfa mig heldur að vera bara "mamma" og "kærasta". Ætla ég mér að kíkja í sund í kvöld en Timme fær að fljóta með í þetta skiptið. Sem reyndar verður bara notalegt ;)

Okkar samband gengur bara mjög vel, jújú smá bachelor hugsunargangur einstaka sinnum, sem þarf aðeins að hrista úr honum. Eflaust einhver annars husungargangur hjá mér sem þarfnast líka tiltektar, en við erum góð saman og ekkert út á það að setja, knúsumst og kyssumst. Ég aðeins meira "needy" á hann vegna félagsleysis sem hefur líklegast verið undirót margs pirrings hjá mér oft á tíðum.

Einnig er von á litlum Dossing í heimsókn í lok árs og hefur það tekið mig nokkurn tíma að sætta mig við orðinn hlut.

Grasekkja

2010-04-28T18:28:00.001Z

Jæja ég er búin að vinna í garðinum sl. 2 daga. Er að gera allt fínt, taka þessa bévítans "arfa" af veggjunum og taka ræturnar upp. Svo þarf nú eitthvað að sinna veggnum, en ætla að bíða með það þar til að Timme kemur heim frá Dúbæ.
En hann er búinn að vera þar síðan á laugardag.

Mamma var hér í heimsókn og fékk hún brilliant veður, þar sem dögunum var eytt í miðbæjarrölt, hina og þessa garða, fórum á tónleika, út að borða og margt fleira. Írenu fannst ekki amarlegt að geta skriðið upp í til ömmu sinnar á morgnanna og láta lesa fyrir sig eina sögu eða svo.
Við fórum meira segja á einn íslendingahitting og mikið rosalega er heimurinn lítill, bæði ég og mútta þekktum fólk í félaginu. Næsta sunnudag er svo miðbæjarrölt með félaginu.

Á morgun er svo frönskupróf en nú er kennslunni að ljúka fyrir þá sem ekki halda áfram, en að sjálfsögðu held ég áfram og mun bæta mig í frönskunni með hverjum deginum sem líður. Allavega er mér farið að takast að panta á frönsku þegar ég fer á veitingahús eða hér um bil :)

Mikið meira í fréttum er ekki í þetta sinn

Aidos..

Gamalt

2010-04-20T12:45:00.004Z

Þar sem ég er víst ekki nógu dugleg að taka myndir verða bara gamlar myndir að duga.
Þessar myndir voru teknar stuttu áður en ég fluttu úr íbúðinni minni í Kríuhólum, þar sem uppáhaldið var að hoppa í rúminu mínu og nátturulega gat sæng eða koddi ekki verið fyrir. Húnbogi átti eitthvað erfitt með að klifra sjálfur upp í rúm, þannig Írena reyndi að hjálpa frænda sínum, að sjálfsögðu ;)

Engin Madridarferð um helgina, enginn fótbolti á leikvelli, engin mamma í dag. Sjáum til hvort að hún komist hingað á fimmtudag. Timme á ferð til Dubæ á laugardag og verður í 6 daga þannig það verður gott ef mamma kemst í loftið. Líka góð spá yfir helgina, alveg upp í 25 stiga hita, næææææs.
Það er margt hægt að gera, fara í fullt af skemmtilegum görðum, skoða í búðir, fara á kaffihús og veitingastaði.. Jafnvel ef veðrið verður leiðinlegt eru skemmtileg söfn sem hægt er að kíkja í fyrir börn.

Ég er orðin sjúkratryggð, gott að vita ef eitthvað kemur upp á. Þannig ég fór í commune með pappírana, en fæ víst ekki auðkenniskortið fyrr en eftir 5 mánuði þar sem Timme heldur mér upp en fæ ekki mín laun. Írena fær sitt kort í næstu viku.. Jæja,jæja. Það verður bara franska næstu mánuði..

Annars gengur bara vel, jújú upp og ofan eins og venjulega en þó yfirleitt upp. Timme nefndi við mig að ef ég væri í starfi sem hreingerningardaman hans væri löngu búið að reka mig. Sagði við mig á sunnudag, þegar hann lá upp í sofa!!! "Afhverju tekur þú ekki utan af sængunum og setur í þvottavélina núna?" uuuu get ekki séð að þó ég sé titluð heimavinnandi húsmóðir, að hann geti nú ekki bara gert eitthvað af þessum hlutum sjálfur.
Sakna þess eilítið þegar það var ekki þessi þrýstingur á þrifin. En hvað um það hann kom heim í hreina íbúð í gær ;)

Írena var ekki í leikskólanum í gær þar sem það var einhvers konar fræðsludagur hjá þeim í gær. Ætlunin var einnig að vera í Madrid og því skráði ég hana ekki í leikskólann. Timme var með dömuna meðan ég fór í frönsku, honum fannst það svolítið erfitt. púff, var feginn að komast í vinnuna eftir hádegi. Talaði um að það þyrfti að fylgjast með henni allan tíman svo hún myndi ekki skemma neitt eða eitthvað í þá áttina.. hahaha ertu fyrst að taka eftir því núna?

Jæja best að gera eitthvað af viti...

Hvað er að frétta??

2010-04-15T16:31:00.002Z

spyrja einhverjir mig...
Ætlunin var að fljúga til Madridar á morgun, en vegna eldgosins í Eyjafjallajökli er búið að loka flugvellinum í Brussel í kvöld og svo verður framhaldið bara að koma í ljós... Spennandi!!!!
Byrjuð í fullu námi í frönsku og er það bara gott, og ekki spurning að ég læri miklu meira á því en á kvöldnámskeiðinu.

Hér hefur verið glaðasólskyn síðast liðna daga. Hef ég farið í garðavinnu, veit þó ekki hversu mikið ég mun þó nenna að gera fyrir garðinn þar sem Timme býst við og vonast til að geta byrjað á draumnum sínum um tabasbar á neðstu hæðinni í júlí, þar sem garðurinn verður einnig undirlagður. Nei, þá nenni ég ekki að eyða orku í að koma mér upp einhverjum matjurtargarði.

Annars er þetta allt að koma að ég fá auðkennisnúmer. Sjúkratryggingin ætti að koma í gegn í maí og þá get ég farið með þá pappíra í "Commune" og fengið auðkennisnúmerið. Já þetta tekur slatti langan tíma hér á bæ og að sækja um vinnu án auðkennisnúmers er ekki að gera sig.
Þannig það er bara franska, júddirararei. Hef verið að leita fyrir mér um fjallgönguhópa og jafnvel sundæfingar, en mér verður voða lítið ágengt á franska vefnum.. pirr pirr...

Írena fékk viku frí í leikskólanum og er byrjuð aftur, reyndar er þetta öðruvísi hér og þar sem formlegt páskafrí hjá þeim er 2 vikur, þá er hún í bland með öllum aldri núna, með öðrum kennurum og annarri stofu. En eftir fríið virðist Írena bara nokkuð ánægð með að vera í leikskólanum og segist skemmta sér ágætlega.

Timme er mikið í uppáhaldi hjá henni. Jafnvel þó hann sé að stríða mér og ég reyni að verja mig kemur Írena litla og passar upp á Timme sinn, svindl, hehehe.
En hvað um það, við erum loksins búin að fá gardínur í svefnherbergin okkar, komu upp í gær - skrifstofugardínur - Timme lét ritara sinn panta fyrir sig gardínurnar og þar varð vitleysan. Reyndar leysir ritarinn hans marga persónulega hluti fyrir hann, t.d sér hún um að sjúkratryggja mig og Írenu.. ekki slæmt þetta, eða hvað??
Fótbolti í kvöld, en sveimér þá ég held að kallinn ætli bara að horfa á leikinn í gegnum netið í kvöld, ohhh ég er svo heppin ;)

Leti

2010-04-09T09:18:00.000Z

Ég hef verið löt upp á síðkastið, en það fer nú að hristast af mér vonandi á næstunni. Frönskunámskeiðið byrjar næsta mánudag og hlakka ég til. Fannst kvöldnámskeiðin full lítið fyrir minn smekk, þannig nú fer þetta á fullt skrið. Danskan er einnig þannig séð að koma, bið Timme um að tala við mig á dönsku þar sem ég þarf víst ekki að æfa mig í enskunni, gengur það misvel að muna eftir því enda auðvelt að grípa í enskuna.
Páskarnir voru ljúfir, fórum við í mat til vinafólks á danska vísu, þar sem síld og snafs ásamt öli og öllu því áfenga sem manni gat dottið í hug var í boði. Einnig höfðu gestgjafar falið fullt af litlum súkkulaðieggum sem Írena gat úðað í sig nánast að vild. Mamman reyndi þó að hafa smá hemil á dótturinni með litlum mætti...
Á sunnudeginum fórum við í smá skógarferð, þar sem upp kom sú umræða að Timme var til í að kaupa betri kerru fyrir Írenu svo hann gæti farið út að skokka með henni, komum svo heim og fórum á netið að leita og fundum þessa fínu hlaupakerru. Verður fróðlegt að sjá hversu mikið Timme mun nýta sér tæknina, hahaha

Við förum til Madridar eftir viku og verðum við Írena fram yfir helgi en Timme verður eitthvað áfram vegna ráðstefnu. Mamma kemur svo á þriðjudag eftir rúma viku og í framhaldi fer Timme til Dubai. Ég er fegin að mamma verður hér stóran partinn meðan hann er í burtu. Ekkert leiðinlegra en að vera ein heima...

Írena hefur verið fegin að þurfa ekki að fara í leikskólann þessa vikuna og talar stundum um að hún þurfi að fara í annan leikskóla. Samt saknar hún krakkanna og þegar við göngum fram hjá krökkum spyr hún hvort hún megi leika sér við þá.. Annars er mesta sportið núna að tala í síma sem hún á og er hún iðjulega að tala við Húnboga frænda sinn;) Einnig er uppáhaldið að hlusta á Karíus og Baktus leikritið, sem hún getur hlustað á aftur og aftur og aftur og aftur...

Við fórum á miðvikudag og skráðum okkur í landið, sem gekk bara vel og erum við skráðar en fáum ekki auðkennisnúmer fyrr en við höfum fært sönnur á því að við getum framfært okkur og séum sjúkratryggðar. Sjúkratryggingin er í farvegi og framfærslan verður auðvelt að sanna. Þannig um leið og ég hef fengið auðkennisnúmerið verður allt auðveldara, eins og til dæmis að sækja um vinnu.

Rjómablíða á að vera um helgina, glaðasólksyn og ágætlega hlýtt. Er ég því farin út með telpuna að leika...

Missa kúlið???

2010-04-02T17:10:00.002Z

Já nú lýst mér á, í staðinn fyrir flotta jaguarinn er ég byrjuð að ganga um bæinn með þessa ömmutösku í eftirdragi. Það besta er (eða það versta) er að það kippir sér enginn upp við það og maður er enn jafn kúl og áður. Enda gengur allt upp í stórborg. Gaman að rölta um og svo allt í einu tekur náunginn sem er fyrir framan þig nokkur Mikael Jackson dansspor og ekki er það verra ef hann syngur svo með...
Írena er komin í viku páskafrí frá leikskólanum. Reyndar er aðeins öðruvísi haldið upp á páska hér en heima og er bara mánudagurinn almennur frídagur. Að vísu er t.d frönskuskólinn með lokað í viku og hefði Írena geta tekið bæði ekkert frí nema mánudag eða 2 vikur.
Ég fékk páskaegg sent að heiman og mmm bara ljúft að renna góðu íslensku mjólkursúkkulaði niður, vantaði bara mjólkina. Sakna íslenska matsins, ekki það að sá belgíski sé vondur bara íslenskt er íslenskt. Væri þar af leiðandi til í íslenskt lambakjót ásamt meðlæti á páskadag.. Veit ekki hvernig við hjónaleysin munum fagna páskum. Förum í mat til vinafólks á morgun, en sunnu- og mánudagurinn er óráðinn.

Írena hefur orðið stóra skoðun á því hvernig hún klæðist og er buxur algjört off í dag. Nú er það bara pils og kjóll, litla daman hafði ekkert val nema buxur í morgun til að fara í leikskólann og ég held að ég hafi bara eyðilagt daginn fyrir henni, ææææ...

Ég veit ekki hvar Timme væri í dag ef ekki væri fyrir mig, ég sé orðið um allt heimilishald, bílinn og fleira, ef drengurinn eldar og eitthvað kemur fyrir, er hann alveg ráðalaus. Sjónvarpið, bara að skipta frá DVD yfir í sjónvarp og öfugt er hann ráðalaus og spyr mig. Þegar það þarf að þrífa ælu í bílinum. "Hvaða sápu á ég að nota, get ég fengið smá aðstoð??" o.s.frv. hehe, svolítið fyndið og krúttlegt. Enda fæ ég óspart hrós fyrir hvað ég er klár að leysa úr öllum vanda ;)

Við ætlum til Sikileyjar í ágúst í ca. 2-3 vikur, mmmmm verður bara nææææææææææææs...

Hitt og þetta

2010-03-30T08:03:00.001Z

Tíminn er fljótur að líða og vika síðan ég bloggaði síðast. Ég fór fyrir helgi á eitt sjúkrahúsið hér á bæ og fékk eyðublöð til að fylla út, reyndar fekk ég ekki að tala við neinn. Eyðublöðin eru reyndar ekki til að uppörva mig. Ætla kíkja á einhver sjúkrahús í dag og sjá hvað þeir segja.
Skráði mig í Íslendingafélagið í gær, það er víst verið að plana vorferð til Frakklands, verður gaman að fara með. Því miður lauk íslenskuskólanum fyrir börn sl. helgi en það byrjar aftur starfsemi í haust. En þetta er skóli þar sem börn hittast einu sinni í viku á laugardögum. Samverustund fyrir þau yngri. Verður flott fyrir Írenu að komast í smá meiri íslensku heldur bara með mér, enda talar hún sitt eigið tungumál núna þó meira í átt að frönsku en íslensku.
Litla daman svarar mér líka á frönsku þegar hún segir nei. Non takk.. hehehe Hvað ætli verði langt í það að hún svari mér eingöngu á frönsku?
Ég held að henni sé byrja að líka betur að mæta í leikskólann, krakkarnir koma líka hlaupandi út úr stofunni þegar hún mætir og nefna nafn hennar og hún bendir á fínu fötin sem hún er í. Krútt

Ég er komin í 2ja vikna frí frá frönskunáminu, en ég byrja svo aftur á fullum krafti 12.apríl í "fullt" nám, en það er 15 stundir á viku en ekki 4 eins og það hefur verið hjá mér. Það verður flott að komast í eitthvað meira að gera og jafnvel einhvern vinskap. Er enn voðalega vinlaus hér á bæ...

Sambúðin gegnur vel, þó að sjálfsögðu er upp og niður eins og gengur og gerist þegar pör eru að pússast saman og læra á hvort annað. Við náum þó alltaf að leysa úr hlutunum og tala um þá að lokum og erum með á hreinu að þetta er það sem við viljum bæði, það er að vera saman. Hann reynir líka eins og hann getur að þóknast mér og leggur sig allan fram við að kalla mig ekki "honey" heldur "darling" eða "my love".
Kellan varð víst ekki par sátt þegar hann fór að kalla aðrar dömur, þótt þær væru vinkonur hans einnig "honey". Nei takk!!

Við Timme erum búin að panta flug til Köben 24. til 27. júní. Helgina á eftir förum við til Frakklands og hittum hluta af fjölskyldu hans þar, sem verða í gólfferð. Að öllum líkindum mun ég svo koma aftur til Íslands miðjan júlí og verðum ég og Írena í 2 vikur en Timme kemur svo í eina viku og fljúgum við svo saman til Köben, þar sem fjölskylda hans og við munum eyða saman langri helgi í sumarhúsi. Þar á eftir stefnum við Timme að fara í sólarferð. Erum með hugann við Kúpu, sjáum til hvað úr verður.

Ein happy fjölskylda ??

2010-03-23T08:53:00.001Z

Svo virðist vera sem við erum ein stór happy fjölskylda, allavega miðað við myndirnar. Ekki það að það er búið að vera voðalega ljúft síðustu daga. Stundum bara voðalega stuttur í mér þráðurinn og viðkvæmni. Út af einhverju sérstöku? nei ekkert endilega. Timme tekur því nú bara með karlmennsku eins og vera ber, enda stendur þetta stutt yfir.
Stakkels Timme hehehe

Ég er löt í dag, ætti að fara í ræktina en nenni því ekki. Nenni ekki að finna sjálf upp á því hvað ég eigi að gera í ræktinni. Vantar sárlega Boot Camp þjálfara til að standa yfir mér núna. Langar helst að skríða bara undir sæng og kúra smá og lesa...
ætla þó að setja allavega í eina þvottavel í dag, jafnvel tvær og kíkja í einhverjar búðir, sjáum til...

Írena er aðeins að róast niður, líklegast var hún bara pirruð vegna nýrra aðstæðna, nýs tungumáls sem hún skilur ekki og svona. Henni finnst rosalega gaman að láta lesa fyrir sig, núna er það Barbapabbi fer í langferð. Einnig hefur hún stóra skoðun á því hvað eigi að hlusta í útvarpinu. Timme er ekki alveg sáttur við að hlusta endalaust á barnaplötur allan daginn, þannig líklegast er næst á dagskrá að kaupa útvarpstæki handa dömunni.

Hér er vor í lofti, margir stúdentar og ferðalangar komnir til borgarinna og iðar miðborgin af lífi núna. Fólk situr úti við hvert götuhorn og er bara frábært að labba núna um í borginni. Tala nú ekki um þegar sólin lætur sjá sig af og til...

"Ég vaska upp"

2010-03-19T11:05:00.001Z

Hér er allt í rólegheitum, ekkert að ske og ekkert að gerast.

Við Írena fórum og reyndum að skrá okkur í landið, en ekki tókst það betur en svo að við þurfum að mæta aftur. Þar sem ég var ekki með pappír upp á að ég sé með fullt forræði yfir Írenu. Því var nú bara kippt í liðinn í hvelli og bíð ég eftir þeim pappír til að panta annan tíma hjá þeim í commune.

Hér er orðið algjört vorveður og er ég búin að "jarða" ullarkápuna mína, enda allt of heitt til að vera í henni. Nú er bara leðurjakkinn, RayBan sólgleraugun og keyrt um á x-typu Jaguar...

Írena mætir í leikskóla eins og ekkert sé en eitthvað er að angra hana þegar hún kemur heim og tekur hún ýmis "köst" þessa dagana. Hvort sem er á mig eða Timme. Reyndar fær Timme miklu meira að heyra það en ég. Jæja við sjáum til hvort þetta jafni sig ekki með tímanum.
Annars er hún hætt að nota bleyju stelpan, einnig um nætur. Daman ekkert smá ánægð með að vera laus við ferlíkið á milli labbana. Uppáhaldssagan hennar núna er líka Kári litli og klósettskrímslið!!!

Hjá okkur Timme er bara bleik ský, rauðar rósir, knús og kossar. Erum búin að panta flug til Köben 24.júní til 27. júní til að fagna afmæli kappans með fjölskyldu hans, að sjálfsögðu einnig að fylgjast með Danska landsliðinu í world cup 2010.

Í kvöld er það matur og vín hjá Mothens og Músimús og á morgun er bolti, út að borða og boltaamælispartý...

18 rauðar rósir, rósir handa þér....

2010-03-16T09:29:00.001Z

Reyndar fékk ég 20 stykki frá kallinum í gær, bara sætur:)

En partýið heppnaðist bara ljómandi vel frá okkar hálfu, nóg af mat og franska súkkulaði kakan mín mun seint gleymast. Alveg himnesk !!!
Reyndar var Timme smá spældur hvað fólk stoppaði stutt við, ég sagði honum bara að bjóða ekki fjölskyldufólki næst.. hahaha.. Allavega er nóg af víni til að drekka á næstu vikum ef ekki mánuðum..

Annars gengur bara vel, Írena lætur sig hafa það að mæta í leikskólann, þó hún sé ekki alltaf par hrifin, grætur allavega ekki. Einnig virðist vera að hún sé að átta sig á því að Timme er ekkert að fara, kemur upp einhvers konar "fýla", spurning hvort einhver afbrýðissemi sé í gangi???
Svo talar hún orðið tungum núna, dönsku og frönsku, þó að sjálfsögðu aðallega íslenskuna. Frekar krúttlegt.

Fólkið hans kemur eftir 2 vikur, móðir, systir og 2 bræður. Verður gaman að kynna Írenu Mjöll fyrir þeim. En þetta er 60 gjöf móðurinnar sem verið er að halda upp á. Þar sem þau fara út að borða og eitthvað meira skemmtilegt.

Á morgun á ég og Írena Mjöll viðtal við ráðuneytið hér til að skrá mig inn í landið. Sjáum til hvernig það fer, er ekkert voðalega bjartsýn að það gangi eitthvað vel. Sjáum til...

Gaman að vera til !

2010-03-13T13:00:00.001Z

Eftir pirring sl. miðvikudag, hef ég ákveðið að hætta að vera pirruð, enda leystum við þetta og áttum í góðum samræðum... Enda vil ég ekkert fara héðan og þetta er víst það sem ég valdi mér, þó auðvitað er þetta erfitt á köflum.
Fórum út á fimmtudagskvöldið, algjört brill að komast út fyrir húsins dyr saman og Írena heima sofandi með barnapíu til að vaka yfir sér.
Á fimmtudaginn fór ég einnig að versla og BARA gaman að versla og væri sko til í að gera meira af því, þe ef ég hefði ekki klárað peninginn þennan mánuðinn.. Jæja það er gott að kreditkortið hans Timme er í veskinu mínu ;) Verslaði, buxur, jakka, tösku, boli, náttföt á Írenu svo eitthvað sé nefnt :) Bíð svo bara eftir næstum mánaðarmótum og mánaðarlegum vasapeningnum mínum. Sem nb. á að fara í mig!! Lýst vel á þetta

Belgíska kerfið vill alla opinbera pappíra á frönsku eða hollensku, þannig ég er að leita af viðurkenndum þýðanda, sem er reyndar alveg nóg af til að þýða vottorðið mitt að ég sé með starfsleyfi sem hjúkrunarfræðingur. Hef satt að segja ekki mikið verið að leita mér af vinnu og svoleiðis hérna.. Þetta kemur allt.

Ég er að hugleiða að fara á vínnámskeið, kostar reyndar frekar mikið miðað við 24 stunda námskeið. En þar sem Timme er mikið að hugleiða að setja á laggirnar restobar hér fyrir neðan, er víst betra að ég hafi eitthvert vit á víni, eða hvað??

Annars er partýið í kvöld og er von á milli 15-20 manns og er búið að versla:

12 flöskur af freyðivíni
24 flöskur af 3 teg af rauðvíni
6 flöskur af hvítvíni
2 kassa af bjór
2 flöskur af gin
1 flaska af koníaki
hátt í 4 kg af kjöti
lax og grafinn lax
brauð
ávexti (jarðaber, avocado, sítrónur)
grænmeti (kartöflur, tómatar, laukur, baunir)
ís
ekta frönsk súkkulaðikökur (heimabökuð, að sjálfsögðu)
ásamt öllu hinu....

Namminammi þetta verður æðislegt !!!

Pirringur

2010-03-10T13:19:00.002Z

Já herra Pirripú er búinn að vera banka á dyrnar mínar sl daga. Veit í raun ekki alveg hvernig ég á að losa mig við hann. Fór og skokkaði í 50 mín á mánudag og það var bara ljúft og gott. Fór einnig í gær og skokkaði í 50 mín og já líka í frönsku nám, en herra Pirripú kom samt, ekki var það svo á bætandi að Timme tók þetta allt til sín. Já nú þarf að passa sig að svara með réttum tón og tala nú ekki um réttum orðum, sem getur stundum verið annsi flókið þó maður tali sitt eigið móðurmál.

Hvað það er sem er að pirra mig? Veit ég ekki alveg, kannski ...
... að ég eigi ekkert líf fyrir utan að endurskipuleggja íbúðina og verandi þá ein að því??
... að Timme eyðir oft meginpart laugardagsins í að spila og horfa á fótbolta??
... að ég hef ekki komist út til að njóta þess að vera smá til með Timme án Írenu, þar sem barnapían hefur klikkað??
... að skítakuldi hefur verið úti, og ekkert gaman að fara í göngutúr þar sem maður frýs í hel eftir klst??
... að kerfið hér gerir auðvelda hluti flókna??
... að því að ég tala ekki og skil ekki tungumálið hér í bæ??
... að því að ég er pirruð bara til þess að vera pirruð?

Það getur verið að Timme fari ekki í viðskiptaferðina sína í lok maí, ég talaði um við hann að mig langaði samt að halda mig við þá áætlun að fara til Íslands. Honum fannst ég kaldhæðin!

Timme vill líka fara hitta vina sína aftur á kvöldin, var nú vanur að fara 2-3x í viku. Líklegast kom þessi umræða vegna þess að mikilvægur leikur var í gær og hann vanur á fara á barinn að horfa á hann. Í gær þurfti hann að passa!!

Hvort það er eitthvað að þessu sem pirrar mig getur vel verið. Heimurinn snýst víst ekki í kringum mig...

Personal Invite for the Timme-Elin-Irena House-Warming Saturday 13 March at 20.00 rue de la paix 17-19, Ixelles‏

2010-03-08T17:04:00.003Z

Dear friends and beer-friends,
Rock’n roll, brothers & sisters!

Come and celebrate major changes in our lives.
The Icelandic ladies - Elin and Irena - have moved in to my apartment in February which is a big thing.
But I also like to mark that after more than two years with hard construction work (some would call it a true fight) – the building is almost there.

So lots to smile about.

The house-warming starts Saturday 13 March at 20.00 – and the happy hosts will provide food and drinks – all night long.
You might know that DJ Moon is on the invitation list, but the big thing of the night will be the introduction of Elin & Irena, the food and of course the “baby foot tournament”.
You are welcome to sleep over, but I am pretty sure that the white sofa is taken before 24.00 either by a drunk viking or by Ingo.

In order to plan for food/drinks, do let us know if you can make it by Thursday 11 March at 18.00 at the latest.

Cheers,
Timme, Elin & Irena

PS. this is an exclusive and personal invitation (but lovers + babies/kids are welcome). Address is: Rue de la Paix 17-19 (next to saint boniface), gsm 0485.20.5939 – let me know if we forgot to invite someone?

Módel ??

2010-03-06T14:00:00.001Z

Engu líkara en Írena Mjöll sé módel á þessari mynd. Tekið í "dúfnagarðinn" síðustu helgi. Réttara Place F. Cocq, en þar er allt fullt af dúfum sem gaman er að fylgjast með og hlaupa í gegnum þúfuna. Einnig nokkrir bekkir og ekki spurning getur verið mjög kósý á sumrin :)

Það er að komast rútína á stúlkukindina. Sofnar á skikkanlegum tíma á kvöldin og sofnar sinn hádegislúr en ekki semikvöldlúr. Líka gott að vera komin í leikskóla sem ég held að henni finnist mjög gaman að vera í. Enda vill hún alltaf fara og bendir á hurðina þegar við röltum fram hjá.

Annars er komið nýtt garn í nálina. Það er 99% líkur að við Írena komum til Íslands kringum 20.maí til 28.maí. Nei því miður verðum við ekki á landinu afmælisdaginn hennar Írenu þar sem okkur er boðið í brúðkaup þann dag. En kallinn þarf alltaf að vera í einhverjum löngum viðskiptaferðum og ég hef litla löngun að vera "ein" í Brussel. Einnig þar sem okkur er ekki boðið með í þessar ferðir býðst hann til að bjóða mér til Íslands. Sem ég er mjög ánægð ;)
Írena mjög ánægð með að geta hitt Húnboga frænda sinn og nefndi sjálf að hitta Heiðrúnu og Matthildi frænkur sínar, "Eigum við að gera það?"

Neita því ekki að við höfum átt í smá erjum vegna þessara viðskiptaferða sem eru nú aðeins lengdar í báða enda. Mín kella ekki sátt við að hann fari í frí án mín. Eftir smá fýlu og súrheit í gærkvöldi var ákveðið að létta aðeins á andrúmsloftinu, enda báðir aðilar yfir sig ástfangnir....

Byrjuð í frönsku og mæti 2x í viku, frá 18:30-20-30. Kennarinn talar mjög litla ensku og því er það bara franska beint í æð. Mér finnst þetta æði að mæta svona á kvöldin, og verður það svona út mánuðinn. Svo mun ég breyta yfir í morguntíma og mæti þá á hverjum degi frá 9-12. Held einnig að það verður mjög gott.
Svolítið fyndið samt að mæta í fyrsta tímann, allir áttu að standa í hring og kynna sig fyrir hverjum öðrum og ekki laust við að fólki fannst þetta frekar óþægilegt.
Timme nýtur tímann á meðan með Írenu og verður það betra með hverju skiptinu og nýtur hann þess að vera með henni, einnig slappar hún einnig meira af. Allt bara eins og hlutirnir eiga að vera.

Er búin að vera á fullu að koma mér/okkur fyrir. Eitt gestaherbergi tilbúið og þá er bara það næsta eftir. Sýni myndir þegar þar að kemur. Einnig er komið sjónvarp og DVD-spilari í húsið.

Þannig húsið verður tilbúið fyrir heimkomu partýið mitt næstu helgi :)

Leikskóli

2010-03-05T18:22:00.002Z

Svolítið spes leikskólinn í Brussel sem Írena gengur í miðað við á Íslandi. Leikskólinn er við stóra verslunargötu, þar sem maður hringir dyrabjöllu til að komast inn. Ætlaði að sækja hana í gær svona korteri fyrr en tímanum líkur, en nei þá var mér vísar frá og sagt að bíða þar sem önnur kona stóð, og það var fyrir aftan keðju sem búið var að setja upp. Því miður var ég ekki með myndavélina þá, en þar beið ég ásamt öðrum foreldrum aftan við keðjuna eftir því að dóttir mín hlypi út. Keðjan er þá venjulega við tréið á síðustu myndinni.

Í morgun var svo lesstund þar sem foreldrunum var einnig boðið. Timme komst því miður ekki, en ég mætti að sjálfsögðu. Við fyrstu kynni líkar mér mjög vel við leikskólann, og kennslustofan er meiriháttar. Þar er lítil rennibraut og boltarúm (svona eins og í IKEA) geðveikt fjör að sjálfsögðu. Einnig mjög mikið unnið með sköpun sýndist mér, sandur í kassa, maískorn í öðrum og litir og máling og fleira. Að mér skilst þá gengur 'ça va très bien'

Í hádeginu borðar allir saman, þe. allur leikskólinn, sem telur um 250 börn, frá 2 til 5/6 ára. Kom ég og sótti Írenu fyrsta daginn þangað og þvílík læti hehe..

Úti er þetta einhvers konar port, með einum leikkastala, svo stéttin bara þar sem þau geta hlaupið og ærslast. Það sem mér finnst einnig kúnstugt er að þau fara aldrei úr útiskónum nema þegar þau sofna eftir hádegi. Því er á dagskrá að kaupa nýja skó sem anda aðeins betur en sem hún á fyrir.

Sit núna með glas af Martini og klaka og bíð eftir því að maturinn verði tilbúinn sem Timme btw. sér um ;)

Parlez-vous français?

2010-03-02T08:52:00.006Z

Írena Mjöll byrjaði í leikskóla í gær. Var voðalega sátt og ánægð með að vera skilin eftir, auðvitað smá feimin en ánægð. Hlakkaði mikið til að fara í morgun. Mér finnst reyndar voðalega skrýtið að skilja hana eftir hjá konunum og skilja ekki stakkt orð af því sem þær eru að segja. Jæja það hlýtur að koma.

Helgin nýafstaðin og var hún alveg ljómandi fín. Að vísu tókst okkur ekki að fara á Brucletic, þar sem barnapían klikkaði en kvöldið varð ekkert síðra. Fótbolti og út að borða, namminammi á voðalega spes stað þar sem allir sitja ofan í hver öðrum. Svo þegar verið er að ræða hvað eigi að fá sér í eftirrétt eða hvort eigi að fá sér rauðvín eða hvítvín, koma "nágrannarnir" með ráðleggingar, voða kósý..

Annars veit ég ekki afhverju ég var að kaupa kort í ræktina, bara það að bera upp ýmsa pinkla upp stigann hérna er nógu mikil rækt út af fyrir sig. Ég fór í gær og keypti fataskáp í IKEA, PAX, bara 250kg... en, jeiii hlakka til að setja hann saman og koma mér aðeins betur fyrir.

Við erum að fíla okkur í nýja herberginu okkar, líka svo gaman að þegar verktakarnir í næstu byggingu kíkja inn í gegnum stóra svefnherbergisgluggann, athuga hvort þeir sjá eitthvað "dónó"
Eitthvað er nýjabrumið þó farið að gefa sig hérna. Honum finnst ég ekki alveg nógu hreinlát, þeas. ég geng ekki frá hlutunum helst í gær. Ég sagði honum "hei, það er alveg nóg að einn sé hér til að ganga frá hlutunum..." hahaha
Hann var líka aðeins súr að ég hafi gleymt að kaupa morgunbrauðið hans..

Frönskunám og feðgnastund í kvöld

Yfir og út

Ekkert

2010-02-26T11:02:00.002Z

Fór í ræktina í gær, svo sem ekkert frásögu færandi, nema það tók klst að skrá sig.. Jésús minn eini. Ég var bara orðin dauðþreytt áður en ég fór svo í sjálfa ræktina..
Á meðan var Timme með Írenu, gekk bara nokkuð vel að hans sögn. Meiri segja sagði hún nokkur orð á dönsku við hann...

Helgin að koma og ég hlakka til. Neita því ekki að þetta er stundum erfitt að vera hálf aðgerðarlaus og vinalaus 10-11 tíma á dag. Við Írena fórum í 6 klst göngutúr í gær, verslaði ég smá á mig og smá á Írenu. Komst svo að því að þegar ég var komin heim að það sem ég verslaði fyrir Írenu var alls ekkert með mér.. Jæja, 9 evrum fátækari fyrir ekki neitt.

Á morgun er partý, Bruclectic og við með barnapössun frá pólsku stúlkunum á neðri hæðinni.

300kg

2010-02-24T19:44:00.000Z

Í gær kom búslóðin mín, sem telst ekki mikil. En alveg nóg var að bera upp 300kg upp á 3ju hæð, var ég móð og sveitt og sleppti því að fara í ræktina í gærkvöldi sem ég "mátti" fara í, enda alveg hrikalega dugleg um daginn.. ;)

En það er gott að vera búin að fá búslóðina, þurftir ekkert að vesenast með tollinn eða sýna neina pappíra. Veit ekki hvað þau hafa gert þarna í Rotterdam til að bjarga því. Allavega hafði ég ekkert fyrir hlutunum.
Dagurinn í dag fór í að gera Írenu herbergi fínt, vona að þið takið eftir skjalaskápnum sem er inn í herberginu. Þetta er fataskápurinn hennar Írenar !!! Reyndar verður einn svona pantaður fyrir mig líka, bíð bara enn eftir honum.

Hvað um það, við Írena Mjöll erum boðaðar á fund þann 17.mars til yfirvalda, með viðeigandi pappíra og ljósmyndir. Ég sagði að ég væri stúdent, vona að kortið sem ég mun fá frá frönskuskólanum sem ég byrja í næstu viku verði nóg.

Við erum svo á leið til Madrid 16.apríl til 19.apríl. Reyndar verður Timme aðeins lengur vegna ráðstefnu. Hef aldrei komið til Madrid og er stefnan sett á heimaleik Real Madrid. Við Írena styðjum að sjálfsögðu okkar mann!!!

Annars er bara ljúfa líf hér......

Lige Glad

2010-02-21T20:57:00.005Z

Jæja helgin að líða og Timme gaf mér 2 tíma til að blogga. Hann var ekki par hrifinn þegar ég sagði honum frá hvað ég væri búin að skrifa um hann.. Smá blaut tuska í andlitið en það er kannski bara til hins betra... ;)

Hvað um það dagurinn í dag fór í yndislegheit. Fyrst var farið í góðan göngutúr í fínu veðri á Tyrkneskan götumarkað þar sem allt átti að seljast ásamt að fara í antíkbúðir og keyptum við þennan fína sófa... Enduðum svo göngutúrinn á að fara á veitingahús með fínum mat og góðum drykk. Þegar heim var komið, fóru allir að leggja sig, svo bara hvítvín, martini og roast beef, að sjálfsögðu eldað af kallinum. Svona á lífið að vera !!!

Mér til mikillar gleði er Írena byrjuð að kúka í klósett og finnst það svakalegt sport, meiri segja gerði stykkin sín á veitingastaðnum. Það segir bara eitt að hún ætti að geta byrjað í leikskólanum í næstu viku, ef allt er í orden þar.

Aðrar ljúfar fréttir er að dótið mitt kemur á þriðjudag eftir hádegi, þarf ekki að sýna neina pappíra eða neitt. Mér finnst það alveg frábært þó Timme er smá kvíðinn við að fá 300kg í húsið af ýmsu ónauðsynlegu dóti. Jæja okkur tókst að henda 2 ruslapokum af fötum og skóm af dengsa og ég segi ykkur satt. Hann á fleiri skópör en hin venjuleg kona..

Svo eitt myndband af Írenu tekið í morgun, sem segir sig notturulega bara sjálft.

Yfir og út.

Koppaþjálfun

2010-02-20T16:45:00.002Z

Jæja það hefur verið stakkabreyting hjá Írenu í koppaþjálfuninni. Eftir 2 daga þar sem hver skítanærbuxnan á eftir annarri kom, þá ákvað Írena að kúka í kopp í dag og ekki bara einu sinni heldur TVISVAR sinnum. (Mynd tekin vegna viðkvæmni)

Enda skvísan heldur betur ánægð með verlaunin, 2 stk pez í pez-álfaprinsessuna sína. Nú krosslegg ég bara fingur að þessu haldi áfram.

Kallinn að spila fótbolta og ákvað ég að vera bara hjemma, enda of kalt til að sitja úti og horfa á einhverja karla elta einhvern bolta. Tjáði mig um að ég myndi koma þegar sólin væri byrjuð að skína og aðeins hlýrra úti.
Ég fæ að byrja í ræktinni í næstu viku. Já ég segi fæ.. Áttum í ágætis samræðum í gær um hann og foreldrahlutverkið þegar ég færi í frönskunám og jafnvel ræktina.
"Þarf ég að vera kominn heim kl 18 ?!?, ég get það ekki alltaf, Ég ætla sko ekki að fara minnka við mig vinnu til að passa Írenu, ég er með fyrirtæki sjáðu til" Ég benti honum ljúfmannlega á að ég hefði farið frá öllu mínu..
Hann sagði þá að við gætum fundið lausn á þessu, ég gæti jafnvel komið með hana til hans ef svo ber undir.
Já það er gott að elska....

Nýtt símanúmer , + 32 (0) 491152698

2010-02-19T15:18:00.004Z

Jæja, eitthvað af hlutum að gerast núna.
Fékk minn fyrst póst í dag í gegnum lúguna. Frá Þjóðskrá um að ég sé búin að flytja lögheimilið til Belgíu.
Fór á rúntinn á heimilisbílnum, Jaguar, x-týpa hvað sem það þýðir. Var með kreditkortið hans Timme í vasanum og að sjálfsögðu GPS í bílnum. Nokkuð létt verk að keyra um í svona fínum bíl, svona á meðan maður fer ekki mikið út fyrir leiðina ;)

Annars gengur lífið bara sinn vana gang hér. Gengur EKKERT að koma Írenu á kopp, gekk einu sinni um daginn. En svo virðist vera að hún skilji ekki tilganginn með að fá verðlaun fyrir vel unnið verk.. ;)

Byrja í frönskunámi 2. mars og fer á kvöldin milli 18:30 til 20:30, tvisvar sinnum í viku. Þá fær Timme að spreyta sig í föðurhlutverkinu :) Hann var sko ekki sáttur fyrst og skildi ekki hvernig mér gat dottið þetta í hug, við myndum bara ekkert hittast. Ég benti honum bara á að sleppa horfa á fótboltann á barnum ef hann vildi vera svona mikið með mér.. hehehe, "kannski" var svarið...

En þar til næst.. og vonandi með myndir aftur

Myndir

2010-02-18T09:18:00.009Z

Jæja þá er ég orðin nettengd og þar af leiðandi hægt að setja myndir og einnig tengd skype-inu :)

Við mæðgur á Skiphol í Amsterdam að bíða eftir lestinni með ansi mikinn farangur, enda horfði fólkið stórum þegar ég hlóð hverja töskuna á fætur annarri í lestina..

Á góðri stundu !!!

Rúmið hennar Írenu Mjallar í herberginu hennar. Reyndar hefur hún enn ekki sofið í því, þar sem það er of kalt í herberginu og mjög stór gluggi án gardína. Enn sem komið er höfum við öll sofið í herberginu sem er uppi..

Nýji stóllinn, svona fullorðins ;)

Fórum á Carnival síðasta sunnudag í skítakulda þar sem ýmsum fyrirbærum bar fyrir augum. Endað svo með vöfflu með bráðnu súkkulaði á.. namminamm

Tilvonandi herbergið mitt og Timme þegar byrjar að hlýna

Írena lærir góða takta við eldamennskuna..

Djásnið hans Timme, sem við komum upp í gær ásamt því að skipta um hurðir á eldhúsinnréttingunni.. Gekk bara nokkuð vel samvinnan, þó ég var nær búin að eyðileggja uppþvottavélina.... obbasí :S

Ljufa lif

2010-02-17T09:17:00.004Z

Jaeja dagarnir halda afram og drypur hamingjan af hverju strai her a bae. Kallinn med i maganum og hausverk og kellan komin med hor og halsbolgu, medan fellibylurinn fer um allt husid.... Eg veit svei mer ta ekki a hvada spitt litla skottid kemst i tegar Timme kemur heim ur vinnu. En bara gaman af tvi og veitir hann henni omaelda athygli, henni til mikillar gledi og muttu ad sjalfsogdu lika.

Hverdagsleikinn tekinn vid og reynum vid Irena ad finna okkur eitthvad til dundurs tessa ca 10 tima sem hann er vid vinnu.
I gaer var mjog fallegt vedur, kalt en solskyn og forum vid i godan gongutur. Skradi eg mig m.a. i fronskunamskeid og aetti eg ad geta byrjad 1.mars. Mun byrja a kvoldin svona fyrst um sinn, medan Irena venst leikskolanum og svona. En mer til mikillrar gledi ta kukadi hun i kopp i gaer. Sjaum til hvernig naestu dagar ganga fyrir sig...

Annars vona eg ad min tolva komist bradum i gang, eitthvert vesen ad reyna tengja hana netinu, en myndir munu koma um leid og tad er komid. Promise!!!

Ymislegt komid i dagbokina, folkid hans kemur hingad i lok mars. Stefnan er tekin a Madrid midjan april, vikuna a eftir fer Timme til Dubai a radstefnu og vid Irena stefnum til Kroatiu a medan. I byrjun mai er tad Tyskaland. Lok mai gifting og afmaeli Irenu Mjallar, Frakkland ad eg held i byrjun juli og eitthvad af folkinu hans i heimsokn tar i kring.
En i kvold er tad "reception"

Skrytid ad vera komin heim

2010-02-13T19:20:00.004Z

Vid maedgur maettar til Brussel i skitakuldan, brrrr.. Erfitt ad hita husid almennilega og er eg vid tad ad frjosa fost vid klosettskalina i hvert skipti sem eg fer a kloid. En tad sleppur tar sem kynt er vel a odrum stodum :).

En allavega fljotlega vid komu forum vid i tad ad kaupa bilstol og rum handa domunni, sem var mjog anaegd med ad hitta Timme eins og eg. Enda stjornar hun honum algjorlega og stekkur hann upp vid minnsta kall fra henni.
Dagarnir hafa svo farid i tad a koma ser haegt og haegt fyrir, adeins ad trifa, kaupa meira og svona..
Myndir koma af tessu ollu seinna, en eg get ekki sett tolvuna mina i samband, tar sem innstungurnar her turfa vera med eitthvert vesen.
Naestu dagar fara svo bara i koppatjalfun a Irenu, eg er buin ad spyrjast fyrir um fronskuskola og buin ad finna raekt til ad fara i.

Annars erum vid Irena bara einar heima nuna eitthvad ad dulla okkur, tar sem Timme skrapp a barinn til ad sja boltann.

Tar til naest....

12 dagar

2010-01-30T20:15:00.000Z

Jæja ég er að flytja út úr íbúðinni um mánaðarmótin, allt á tjá og tundri hér og margir hafa orð á því að ég eigi eftir að pakka miklu, enda bara ein nótt í viðbót. Já ég er bara nokkuð sammála!! Dagurinn í dag fór í þynnku en vinnufélagar mínir hafa verið duglegir og hjálpað mér að klára áfengislagerinn, var þeim bara vel úr verki og var heljarinnar fjör hér á bæ í gærkvöldi ;)

Annars eru 12 dagar í sæluna í Brussel, sweeeeeeeeeeeeeeeeeeet ;)

Jólablogg

2009-12-22T22:17:00.000Z

4 mánuðir síðan ég bloggaði síðast. Ætli það sé ekki best að byrja aftur, svona rétt fyrir jól.
Margt, mjög margt gerst á þessum mánuðum. En það helsta er að eftir um það bil 2 mánuði flyt ég út til Brussel, þannig það er bara ágætt að byrja blogga aftur, þá verður þessi síða einhvers konar dagbók fyrir mig og útrás þegar ég hef engan til að spjalla við nema sjálfan mig og Guð.
Veit annars ekki hvort ég ætti að skrifa eitthvað meira, þar sem ég hef voðalega lítið jákvætt til að tala um. Er ógó þreytt og útkeyrð þessa síðustu daga fyrir jól. Langar til liggja upp í sófa og sofna yfir sjónvarpinu. En þar sem skipulagið var ekki upp á sitt allra besta hér fyrir nokkrum vikum, þarf ég að sitja yfir síðasta skólaverkefninu sem ég þarf að skila fyrir kl 8 í fyrramálið. Ég held að mér ætti að takast það svona fyrir rest, spurning þó hversu gott það sé.

En úffúff, skulum nú ekki eyðileggja jólin með þessu
Óska ykkur öllum (sem enn lesa) gleðilegra jóla....

Skemmtiskokk

2009-08-22T13:40:00.000Z

All kátar mæðgur eftir að hafa skokkað 3 km í Reykjavíkurmaraþoni í dag. Enda ekki von, fengum verðlaunapening að lokum. Þetta var ótrúlega hressandi. Sólin skein akkurat meðan skokkið fór fram og skokkaði Írena Mjöll síðustu metrana.

Annað að frétta, er það að ég er að fara til Tyrklands eftir 6 daga. Íhaaaaaaaaaa, jei jei jei. Ferðin pöntuð í febrúar og því hefur þetta verið löng bið. Ströndin, sólin og kokteilarnir.mmmmm sældarlíf.

Myndaséría

2009-07-25T15:08:00.004Z

Stutt myndaséría af Írenu Mjöll, en henni finnst afskaplega gaman í "mömmuleik" hvort það er að koma dýrunum sínum að sofa, siða aðra krakka til eða skipta á dúkkunni. Búin að dúkkuna á buxunar sínar, taka til hreinsiklúta og með bleyjuna við hönd. Mjög svo krúttlegt!!! ;)

Af mér að frétta, er að ég er bara í sumarfríi. Hef þó tekið samtals 2 aukavaktir í fríinu. Sem er ekkert nema gott fyrir launaseðilinn. Mig langar þó ekkert sérstaklega til að vinna meira í sumarfríinu mínu.

Fór á Hellu ásamt vinafólki í útilegu og gisti í fellihýsi í 2 nætur. Svakalegur lúxus, ekki hægt að segja annað.

Svo var farið í ögn frumstæðara ferðalag. En ég gekk Laugaveginn ásamt samstarfsmönnum mínum í vinnunni á 2 dögum. Var þetta alveg meiri háttar. Seinni daginn var Laugavegshlaupið og þvílík stemmning þegar fyrstu hlauparar voru að spretta framúr. Svo gaman var að þessu að ég kom með þá yfirlýsingu að ég myndi skokka þetta að ári liðnu..

Drottning..

2009-06-30T20:42:00.001Z

Já hún er fín, litla daman mín. Algjör drottning.

Ég er að fara í sumarfrí eftir 8 daga. Stefnan er að ganga svo Laugarveginn 17.júlí og vantar mig pössun fyrir Írenu mína í heila 3 daga. Einhverjir sjálfboðaliðar???

Tími á eitt blogg eða svo

2009-06-15T19:33:00.002Z

Það styttist í sumarfríið mitt. Hlakka rosalega til. Annars er ég komin í hálfgert frí núna. Fer ekki að vinna fyrr en eftir viku. Reyndar búin að vinna svakalega mikið síðustu dag og það er MJÖG mikið áreiti í vinnunni þessa dagana.. fjúff svakalega fegin þessu fríi mínu.

Annars er kominn tími á eitt myndband af dömunni, að vísu mánaðar gamalt eða svo ;)

2ja ára

2009-05-29T23:18:00.000Z

Á 2ja ára afmælisdömu í dag. Vá sú var fegin að komast upp í rúm í dag. Búið að vera þrusu partý hér í Kríuhólunum, fullt af gestum og mikið um að vera. Eitthvað sem ofgerir litlum kroppum.
Hún er svo að fara til Siglufjarða með ömmu og afa í Mosó, þar sem ég er að vinna alla helgina og þau að fara í fermingarveislu þar fyrir norðan..
Svo var ég að komast að því að ég fengi aukadag í Tyrklandi, í boði flugfélagsins. Ekki slæmt það að fá heilan aukadag;) á bara eftir að nefna það við mömmslu...

Sól sól skín á mig

2009-05-19T19:52:00.002Z

Geggjað veður sl daga og ég búin að vera í fríi, fyrir utan helgina .. En það er ekki slæmt að vera úti allan daginn.
Skundaði upp á Esju í gærmorgun, fór svo í Nauthólsvíkina ásamt Húnboga frænda og fylgihlutum. Ég hef aldrei farið þangað á ströndina áður, en þetta var bara rosalega fínt. Hellingur af fólki og bara stemmning.
Fór svo á Austurvöllinn í dag og naut veðurblíðunnar þar ásamt fjöldann allan af öðrum Reykvíkingum..

Vil svo bara láta ykkur vita að ég hef sett inn nýjar myndir. Frá janúar til apríls, einnig eru leikskólamyndir frá því í haust ;)

Eurovision-dagur...

2009-05-16T13:55:00.003Z

Veðrið hefur heldur betur leikið við landann sl. daga. Yndislegt að fá svona gott veður eftir rigninguna í byrjun mánaðarins. Við Írena höfum verið iðnar að fara í sund, sem er bara ljúft. Ærslumst, syndum förum í rennibrautar og höfum það gaman.
Í næstu viku erum við svo að fara í sveitaferð upp í Kjós með leikskólanum. Þar sem dýrin verða skoðuð og grillaðar pylsur. Það verður án efa mjög gaman

Í kvöld er svo Eurovisonpartý við Sundin blá, og svo beint í framhaldi af því verður farið á NASA með Páli Óskari. Jeiii ég hlakka mikið til enda er MJÖÖÖÖÖÖÖÖÖÖÖÖG langt síðan ég fór á Pallaball ;)

Svo styttist og styttist í afmælisveislu dóttur minnar, ég er þó mikið meira á jörðinni þetta árið miðað við það síðasta. Og í ár verður bara EIN afmælisveisla ;)

Afmælishrina

2009-05-03T20:27:00.003Z

Pabbi á afmæli í dag og ég búin að óska honum til hamingju með það. Næst er svo litli bró og þar næst stóri bró. Nóg að gera í afmælismálum fjölskyldunnar.
Í lok mánaðarins er svo amma, frændi og svo sú allra dýrmætasta, litla dóttir mín Írena Mjöll. En hún er bara að vera stór, heil 2 ár bráðum síðan hún kom í heiminn;)
Hún er að sjálfsögðu byrjuð að tala heilan helling. Bæði stök orð og svo setningar. Eitt er þó fyndið að hún vill enn ekki tjá sig á leikskólanum og varla að hún svari fóstrunum sínum með já-i.

Af mér er bara same old same ;)

Pabbahelgi

2009-04-15T19:16:00.001Z

Þá er "pabbahelgin" afstaðin. En við Írena vorum í 5 daga frí frá bæði leikskóla og vinnu. Heppnar við ;) En það var mikið um að vera alladaga og fullt prógramm. Á skírdag þá fórum við og gengum upp Esjuna í blíðskapar veðri. Eins og reyndist alla páskana. Á fösudaginn langa, var farið í hjólatúr og í sund. Laugardaginn skruppum við í Húsdýragarðinn og skoðuðum dýrin, við mis mikinn fögnuð Írenu og svo í sund seinni part dags. Á páskadag var ferðinni svo heitið upp í Bláfjöll og prufuð skíðaparadísin. Það féll í mjög þungan farveg Írenu en... það verður reynt aftur á næsta vetri ;) Svo páskadagskvöld var hún send í pössun eins og sæmir á góðri pabbahelgi svo foreldrið geti nú gert sér glaðan dag ;) og svo á mánudeginum var farið í þynnkusund. ;) Gaman gaman;)

Af mér er það að frétta að ég er búin að skrá mig í masternám í hjúkrun í haust. Ekki slæmt það, get því eftir nokkur ár, kallað mig sérfræðing í hjúkrun. En þetta er klínísk sérhæfing í geðhjúkrun. Mjög spennandi að mínu mati....

Gaman er í dag..

2009-04-05T21:02:00.002Z

Tíminn líður, tíminn flýgur gaman er í dag..
Jebbsjebbs, ekki spurning gaman er í dag. Hér er líf og fjör allavega og mér líður vel. Nágrannar mínir hafa verið duglegir undanfarnar vikur að banka upp á og koma í heimsókn. Fá sér einn tebolla eða svo og leika við Írenu sem líkar ekki ílla við örlitla athygli ;)
Ég stend mig í ræktinni, þó ég hafi klikkað á WC í eitt skipti og er því 5600kr fátækari fyrir vikið. Algjör bjálfaskapur að minni hálfu, en jæja hvað er það milli vina þegar ég get eytt 30 þúsund kr í föt á einum degi.. Aha það er víst ekki kreppa á mínum bæ...

Þann 6.júní mun ég stefna á Hnjúkinn með BC. Það verður gaman. Ég hef gert 2 tilraunir til þessa en aldrei komist. Síðasta tilraun var 2003, orðið annsi langt síðan. Verður gaman að sjá hvort það takist í þetta skiptið. Ég er búin að fá pössun fyrir Írenu en hún verður hjá múttu að vanda.

Já svo fer ég að koma með myndir af dúllunni, jan, feb og mars. Læt vita þegar þar að kemur ;)

Íþróttaálfur

2009-03-19T18:20:00.000Z

Svei mér þá ef Írena hefur ekki tekið við hlutverki mínum sem íþróttaálfur, allavega "lookinu" til. Ég hef ekki verið nógu dugleg í ræktinni í þessum mánuði og arfaslök í þessari viku :( Engin æfing í þessari viku.. Því er um að kenna að ég hef verið að vinna mjög mikið og tekið heilar 4 aukavaktir til viðbótar við mínar á einni viku ;) plús skipti um helgi.
En eftir helgina er stefnan tekin á full time job í ræktinni aftur. En ég hef ekki nokkra aukavakt í sigtinu núna.

Írena Mjöll er alltaf svo ljúf og æðisleg, fær mikið hrós í leikskólanum hvað hún er dugleg í höndunum og að dunda sér:) Ég að sjálfsögðu rosalega montin af henni. Hún gisti upp í Mosó heilar 3 nætur sl helgi án þess að hitta mig og gekk það bara ljómandi vel. Líka að koma aftur heim, enginn pilsfatsdæmi. Vonandi verður það sama upp á teningnum þessa helgina en þá er ég aftur að fara í burtu en bara í 2 nætur. Vonandi er ekki of stutt á milli. En loksins er komið að Akureyrarferðinni með nokkrum úr útskriftarhópnum í hjúkkunni. Íhaaa rosalega spennandi. En við ætlum flestar að leggja af stað um 8:30 í fyrramálið :)

Þar til síðar...

Sápukúlupési

2009-03-09T19:38:00.002Z

Litla fjölskyldan úr Hafnarfirði kom í heimsókn um daginn og þá var sko kátt á hjalla. Sápukúlur blásnar og stuð á fróni.

Það styttist í Akureyrar ferðina mína. Er ég búin að skipta um helgi til að geta komist og því er annsi mikið að gera hjá mér á næstu dögum. Eða bara vinna vinna vinna..

Ég er alltaf dugleg við að elda og prufa nýja rétti. Yfirleitt eru þeir mjög góðir en ekki í kvöld. Jakk, óþolandi þegar svoleiðis gerist :( En rétturinn sem ég gerði um daginn var mjög góður og var skorað á mig að setja eitthvað af þessum uppskriftum sem ég nota á netið.

Kúskússaltat með kjúklingabaunum.
350ml kjúklingasoð
125gr kúskús
50gr rúsínur
1/2 dós kjúklingabaunir
2 tómatar, saxaðir
1/2 paprika rauð, söxuð
2 vorlaukar
2msk steinselja, söxuð
1/2 appelsína
1/2 sítróna
50ml ólífuolía
1/2 hvítlaukur, pressaður
1 tsk sterk chilisósa
1/2 tsk kummin, steytt
pipar
salt

Soðið hitað að suðu og kúskús sett út í og tekið af hitanum og lokið sett á. Rúsínurnar eru lagðar í bleyti í volgt vatn. Baunirnar helt í sigti og skolaðar. Látið vel renna af þeim. Þeim er síðan skellt í skál ásamt, tómötum, paprikunni, vorlauknum, rúsínunum og steinseljunni. Kúskúsið síðan blandað saman við.
Safinn kreistur úr appelsínunni og sítrónni og blandað vel saman við olíuna. Hvítlauknum, chilisósunni, kryddi hellt yfir og blandað lauslega.
Þetta er hægt að borða eitt og sér með brauði, eða sem salat með kjúklinga- eða fiskiréttum.

MJÖG GOTT!!!!

Snuddukerling

2009-02-25T21:10:00.001Z

Jæja, tíminn líður hratt, eiginlega allt of hratt. Mér finnst eins og ég hafi ryksugað og tekið til í gær en þrátt fyrir það er alveg ótrúlega rykugt í dag. Ég bara skil þetta ekki, kannski er aðeins lengra en í gær síðan ég ryksugaði...

Við vinkonurnar erum búnar að panta ferð til Bodrum í Tyrklandi og borga staðfestingargjaldið. Leggjum af stað 29.ágúst og komin heim 5. september. Verðum við á 4* hóteli með hálfu fæði. Planið er að skoða okkur um, skemmta okkur og slappa af frá mökum og börnum :) Reyndar á ég nú engan maka. Ennþá....

En hvað um það Írena Mjöll er orðin snuddukerling, fær þó bara að hafa snuddu þegar hún leggur sig eða fer að sofa. En það er voðalega sætt þegar hún kemur hlaupandi til mín um miðja nótt snuddulaus og spyrst fyrir "Hvar er snuddan mín?" æi ljúfust ;) Reyndar er ég ekkert ljúf og hleyp ekki upp til handa og fóta til að leita að snuddu, heldur leyfi henn bara að kúra hjá mér :) snuddulausa.
Nú er kominn sá tími að margir eru farnir að plana sumarfríið sitt. Búið er að ákveða að loka leikskólanum hennar Írenu Mjallar frá 13.júlí til 11.ágúst. Reyndar veit ég ekki með minn vinnustað hvort ég geti fengið frí á þessum tíma. Getur vel verið, en minn draumur er þó að geta tekið bara svona vikufrí hér og þar....

Eitt og annað

2009-02-11T21:04:00.006Z

Enn er vetrarblíða, og fórum við Írena Mjöll að sleðast ásamt góðum vinum upp í Mosó. Þetta var hið mesta sport og voru margar ferðir farnar ;)

Írena er hin duglegast við húsmæðraverkin, kemur ávallt og hjálpar mér þegar ég fer að vaska upp og svona ;) Verður munur eftir smá tíma að vera komin með uppvaskara á heimilið ;)

Af mér er bara same old same old, er dugleg að elda og hef ég bætt bakstri við þann myndarskap og eru hin allskyns brauð bökuð við góðar undirtektir... Ræktin alltaf á sínum stað, í BC,WC og gönguferðum deildar 12. Þannig það er nóg að gera hjá mér enda fæ ég enn nóg af aukavöktum. Þrátt fyrir strangt bann á sumum deildum. Ekki hryggi ég það, líka með stór plön í haust....

Til að nefna erum við menntaskólapíur að skoða utanlandsferð í haust af tilefni 30 ára afmælisársins okkar. Planið er að fara til Bodrum í Tyrklandi í eina viku í skemmtun og dekur í lok ágúst. mmmmmmmmm hljómar bara vel ;)
Og þar sem engin kreppa er nú á mínum bæ, er svo stefnan að fara til Munchen í lok september með góðum vinnufélögum í eina viku. Þetta er allt í skoðun og er verið að ræða við aðila til að sjá um Írenu mína á meðan húsmóðirin fer og skemmtir sér ;)

En á næstu vikum að þá erum við vinkonurnar úr hjúkkunni á fullu að skipuleggja hannyrðaferð til Akureyrar eina helgina í mars. Búin að fá pössun fyrir Írenu Mjöll og hlakka ég mikið til. Einnig er hugmynd að fara vestur í Ísafjarðardjúp helgina þar á eftir með góðum vinnufélögum, það er því nóg að gera hjá mér þessar vikurnar :)

Vetrarblíða

2009-02-03T21:06:00.000Z

Það hefur ríkt sannkallað vetrarríki síðast liðna daga. Mikið frost og nóg af snjó ;) Við Írena Mjöll höfum að sjálfsögðu nýtt okkur það tækifæri og leikið okkur í snjónum..
Annars er talsverð valdabarátta á milli okkar Írenu þessa dagana.. litla stýrið mitt að reyna hafa smá stjórn á hlutunum sem hún bara því miður fær ekki alltaf.

Annars svo sem ekki mikið að frétta, fór og fékk mér húsmæðrabjór á laugardaginn með nokkrum hjúkkum, mikið rosalega var gaman. Svo er vinnupartý næsta föstudag og hlakka ég mikið til. Nóg að gera í djammmálum þessa dagana.
Alveg eins og í vinnunni, hef verið mjög dugleg að taka aukavaktir í öllu aukavaktabanninu á LSH, veit þó ekki hvað það mun ganga upp lengi. Kannski þó með nýrri ríkisstjórn ha???
Fór svo til tannsa í dag, þar sem hann tók mig gjörsamlega á teppið. Já það er sko skammskamm Elín :( Setti mér stólinn fyrir dyrnar og fyrir utan það að mæta 2 skipti í viðbót verð ég að mæta á 2x á ári næstu 2 árin allavega í flúorskolun. Og hananú!!!

Fjallgöngur

2009-01-26T14:45:00.000Z

Nýtt ár er byrjað með stæl. Ekki nóg með að ég sé búin að skuldbinda mig að mæta í ræktina mörgum sinnum í viku að þá hef ég einnig hafið gönguferðir með deildinni minni, Deild 12. Fórum við 4 í dag upp á Úlfarsfell í kulda og roki. Mikið rosalega var þetta hressandi, en ég hef ekki stundað fjallgöngur síðan ég var á Sigló. Stefnan er svo tekin að ganga öll minni fjöllin hér í kring. Enda þetta svo á að ganga Laugarveginn um miðjan júlí. Gaman gaman...

Írena mín litla sæta, er alltaf jafn mikið skott. Finnst fátt skemmtilegra en að púsla þessa dagana. Svo er hún byrjuð að tala á fullu, komin með fullt af nýjum orðum, þó misvel bornum fram.

Fjölskyldan

2009-01-18T13:28:00.002Z

Húnbogi varð 1 árs í gær. Til hamingju með það litli sæti frændi:) Af tilefni þess var haldin stærðar veisla og fjölskyldu- myndartaka ;)

Svo er bara ótrúlega gaman að vera lítill ;)

Athafnarkona!!!

2009-01-07T14:53:00.000Z

Framakona!! Þó ung að árum sé, er hún strax byrjuð að skipuleggja glamúrboð og kokteilveislur ;)

Annars hef ég verið dugleg og sett inn gamlar myndir inn á netið (LOKSINS), myndir frá sl ári sem sagt. Ætti að vera lokið á næstu dögum og því ætti að vera nóg að skoða á næstu vikum fyrir áhugasama ;)

Linkurinn er hér til hliðar undir myndum, Írena Mjöll 2.

Gleðilegt nýtt ár - 2009

2009-01-02T11:37:00.000Z

Nýtt ár með nýjum fyrirheitum. Ótrúlegt verð ég bara að segja. Árið 2008 flaug hjá með þvílíkum ógnarhraða, veit ekki hvort ég hafi náð öllu því sem gerðist hjá mér. Ekkert eitt svo sem stóð upp úr, nema það bara mér líður ótrúlega vel :)
Ég er byrjuð að opna augun og nýt lífsins.

Írena Mjöll er orðin talsverð dama, drottning réttara sagt. Lætur sér ekki bjóða hvað sem er og snýr upp á sig og sýnir svo sannarlega vanþóknun sína á yfirvegaðan hátt :)
Ég fer svo að setja inn haust og vetrar myndir inn. Læt ykkur vita þegar þar að kemur.

Gleðileg jól!!!

2008-12-24T12:57:00.000Z

Við Írena Mjöll óskum öllum nær og fjær, gleðilegra jóla og farsældar á komandi ári.

Mömmustelpa

2008-12-21T10:03:00.001Z

Ekkert að ské hér, nema stúlkan mín litla er algjör mömmustelpa og veit ekkert betra en að mamma haldi á sér.

Hún mun fara í leikskólann á morgun en svo fær hún 2vikna jólafrí úr leikskólanum. Þvílikur lúxus...
Ég mun vinna á annan í jólum og svo yfir helgina, en einnig verð ég að vinna um áramótin. Morgunvakt á gamlárs og kvöldvakt á nýársdag. Þetta verður ljúft enda unnið mikið sl. viku.

Hér er allt að verða klárt, planið var að fara í Úlfarsfell og fella jólatré með fjölskyldunni í dag. En ég held ég beili á því og fari bara í blómaval í kvöld. Kannski einhver hefði getað verið með Írenu Mjöll meðan við myndum rölta þar um, en það verður bara gert á næst ári.

Engar fréttir

2008-12-10T16:14:00.003Z

Engar fréttir eru víst góðar fréttir, ekki satt??

En hér er allt við það sama. Írena Mjöll fór í 18 mánaða skoðun fyrir um 2 vikum síðan, mældist hún um 10,3kg og 78cm. Reyndar er sú mæling ekki alveg marktæk og mældi ég hana stuttu síðar í skoðuninni og fékk 79cm sem ég tel nærri lagi.

Ég hef verið dugleg síðustu daga og vikur. Var í 2. sæti í heilsuátaki á barnadeildinni. Nokkuð sátt við það, en hefði þó viljað fyrsta sætið að sjálfsögðu. Enda var dágóð summa í verðlaun.
Einnig er ég dugleg að vinna, þrátt fyrir 10% sparnað á heilbrigðissviðinu hefur mér tekist að næla mér í þó nokkrar aukavaktir. Ekki slæmt það enda útborgunin í samræmi við það.
Svo er ég dugleg heimavið, alltaf jafn dugleg að elda matinn, að sjálfsögðu. Þar að auki er ég búin að mála hurðarnar hjá mér, þyrfti þó að fara aðra umferð. Eeeen held þó að ég láti hér við sitja enda þarf að mála karmana líka sem ég mun ekki gera í þetta skiptið þrátt fyrir mikinn dugnað.
Kannski ég þurfi laghentan karlmann eftir allt saman.....

Ég fíla mig bara á Kleppi, góður hópur sem ég er að vinna með og hresst lið :) Fór að djamma með þeim sl. föstudag og þetta var bara skemmtilegt. Frumsaminn ljóðalestur, gitarsöngur og einkadans. Gera aðrir betur!!!

Spekingur

2008-12-01T19:47:00.000Z

Það var nóg að gera síðustu helgi, ég fór í tvenn jólahlaðborð. Fyrst með hjúkkupíum og elduðum við matinn okkar sjálfar og svo með barnadeildinni, en þar var maturinn fenginn frá veisluþjónustu. En núna er síðustu vaktinni minni þar lokið og hóf ég vinnu mína á Kleppi í dag :) Jólagleði deild 12 verður næstkomandi föstudag og svo mun jólagleði Boot campara vera helgina fyrir jól, sem verður að sjálfsögðu í anda þeirra, hörkupúl!!! Vonandi verð ég ekki komin með nóg af jólamatnum þegar loksins kemur að aðfangadagskvöldi...

Hér er allt á fullum undirbúningi fyrir jólin. Búið er að baka smákökurnar, skrifa jólakortin, gera aðventuskreytinguna, setja upp jólaljósin og Írena Mjöll er meira segja búin að fá jólaklippinguna sína. ;)

Þar kom að því

2008-11-21T22:58:00.001Z

LOKSINS LOKSINS, kláraði ég jólasokkinn hennar Írenu. Reyndar langt síðan að ég lauk útsaumnum en hef drollað það að ganga frá. Glæsilegur :)
Það er best að hafa allt til takst þegar á að klæða sig í skó. Tala nú ekki um bryta sem reimar skóna á mann :)

Stór dagur á morgun ....

2008-11-14T15:48:00.001Z

Af okkur mæðgum er allt ágætt að frétta. Nema í gærkvöldi og í dag. En kellingin er eitthvað hálf slöpp, með ælupest í gærkvöldi og hálfómot í dag.. Jakkk :( svo er planið að hafa afmælisdjamm á morgun. Eins gott að kellingin verði orðin hressari. Írena Mjöll finnur aftur á móti ekki fyrir þessum einkennum.

Ég er byrjuð að baka jólasmákökur, gerði eina tegund í gær. En það tókst ekki betur en svo að hrærivélin gaf sig í miðjum klíðum. Því var hringt í vinkonu mína sem býr hér í næsta húsi og fengið afnot af hrærivélinni hennar. Það gekk bara eins og í sögu. En ég á þó eftir eina tegund í viðbót. Ætli ég verði því ekki að splæsa á mig hrærivél á næstu dögum.

Bara minna liðið svo á ég á afmæli á morgun. Allar kveðjur vinsamlegast þegnar:)

Ungur nemur, gamall temur

2008-11-05T20:59:00.000Z

Nýja eldavélin mín fór upp síðustu helgi. Írena lét sig ekki vanta við að rétta fram hjálpar hönd. Annars reynist hún þræl vel, nýja eldavélin mín svona við fyrstu tilraunir. En ég ku vera orðin heljarinnar listakokkur, alltaf með eitthvað nýtt og gómsætt til að bræða bragðlaukana. Líka rosalega gaman að hafa litla dömu sem borðar bókstaflega allt sem lagt er á borð fyrir hana :)

Afi í Mosó dró upp þennan fína hjólhest um daginn, Írenu Mjöll til mikillar ánægju...

Krepputal

2008-10-30T11:25:00.000Z

Jæja, það á að opna fyrir peningamarkaðsbréfin í Glitni á morgun. Skv. gengi dagsins og hvað þeir tala um ætla þeir að leysa út um 85% innistæða út miðað við gengið þegar þeir lokuðu reikningunum. Þó ég hef eitthvað tapað af ávöxtunni er ég fegin að peningurinn sé laus. Vildi þó að ég hefði fengið ábendingu um það í byrjun mánaðarins að ég ætti að leysa út bréfin eins og ein vinkona mín fékk frá innanborðsmanni. Spurning hvort að það hafi verið löglegt???

Mig vantar nýja eldavél og hef ég verið að skoða sl. daga og vikur. Ekki get ég sagt að Elkó styðji minni verðbólgu í landinu því á einungis 2 vikum hafa eldavélar hækkað um rúmar 10 þúsund kr. hvorki meira né minni. Já ætli það séu ekki margir vitrir núna en ég vildi að ég hefði keypt eldavélina í sumar þegar ég var að pæla í því þá.
Ég er þó að spá í að spreða meira og ætla mér að skoða parket á gólfið hjá mér. Sumir staðir hafa verið að auglýsa allt að 80% afslætti. :)

Annað í fréttum ég er að fara hætta á barnadeildinni og mun færa mig yfir á Klepp. (Ekki veitir af miðað við allt þunglyndis tal sem hefur verið í kringum mann sl. daga og vikur ;)) En ástæða fyrir breytingunum, fyrir utan áhugasemi er að á Kleppi fæ ég hærri laun og meiri vinnu. En á Barnadeildinni viðgengst að halda launum niðri miðað við aðrar deildir spítalans og ég skil ekki afhverju hjúkrunarfræðingar á barnadeildinni sætti sig við það.

Írena Mjöll plumar sig vel í leikskólanum, ekkert mál að segja bless og svei mér þá mér sýnist hún ekkert allt of spennt að fara heim aftur. ;) Gott að það er gaman á leikskólanum, þannig á það líka að vera.
Læt svo fylgja hér eina "gamla" mynd af Írenu, en ég er ekkert of dugleg að taka myndir þessa dagana.

MYNDIR!!!!!!!!!!!!!!!

2008-10-20T18:03:00.001Z

Myndir frá því við vorum í Króatíu eru komnar hérna.

Hressingarhæli um helgina

2008-10-14T21:48:00.001Z

Það þýðir bara eitt, það eru komnar myndir ;)

Allt að fara til fjandans eða hvað????

2008-10-08T09:28:00.005Z

Ég held það, allavega eins og staðan er í dag. Ekki hægt að taka út úr sparisjóðsreikningum mínum. Sem betur fer er þó sjóðurinn minn í Glitni ekki í núlli eins og hjá mörgum í Landsbankanum. Svakalegt að sjá peningana sína fuðra upp eins og ein vinkona mín varð vitni af hjá mér um daginn.
Á barnaspítalanum er svo ráðningabann og "yfirvinnubann", en það eru enn deildir á Lansanum sem bjóða aukavaktir. Á morgun er ég að fara á Klepp, deild 12 í aðlögun (á yfirvinnukaupi ;)) svo ég geti tekið aukavaktir þar seinna meir. Enn annar vinkillinn í hjúkkuframa mínum.

Núna er Írena Mjöll á leikskólanum, er alls ekki sátt við mig að ég skilji hana eftir þar. Þó það gangi mjög vel á leikskólanum sjálfum, þá er hún að því virðist heillengi sár út mig eftir að ég sæki hana þaðan :(

Loksins kom að því að ég fór að gera matseðil fyrir vikuna ;) Við fengum svo ofboðslega góðan mat úti hjá henni Köt'ömmu, að ég hafði ekki nokkra lyst á þeim mat sem ég hafði verið að gera fyrir hana Írenu. Þannig það var dustað rykið af þeim matreiðslubókum sem ég á. Rennt yfir þær og merktir þeir réttir sem ég hef áhuga á og svo gerður matseðill. Í gær gerði ég t.d gratinerað eggaldin, namminamm þetta var bara hreinasta lostæti þó ég segi sjálf frá. Það besta er svo að Írenu finnst þessar nýjungar hjá mér alveg svakalega góðar ;)

Aidos ;)

ps. Tölvan mín fer vonandi á Hressingarhælið um helgina, þannig það styttist í myndir frá mér.

Home again

2008-09-30T19:57:00.002Z

Þá erum við mæðgur komnar heim AFTUR. Já aftur því við erum ávallt á faraldsfæti, tel þó að nú sé komin pása á ferðalögin í bili.
Ég er sátt við ferðina mína út til Króatíu, ekkert breyst þarna úti en ég ef breyst. Húrra fyrir því :)
Myndir munu koma seinna, tölvan mín er frekar lasin orðin og þarfnast hressingar. Vonandi mun það verða sem fyrst, en þangað til munu allar myndir bíða..

Írena byrjaði í leikskólanum núna á mánudaginn, verður í aðlögun þessa vikuna en svo getur hún byrjaði á fullu næsta mánudag ef ég vil. Hef sótt um 9 tíma vistun, alveg svakalega mikið. En það þarf víst að koma henni á leikskólann áður en ég fer að vinna og hafa tíma til að koma sér úr vinnunni til að sækja hana, þ.e.a.s þegar ég á morgunvakt. Ég mun ekki auka vinnuna mína strax, verður fyrsta lagi eftir áramót. Sjáum til.. Þannig ég vinn bara mín 40% vinnu + aukavaktir.

Ef einhverjum langar til að heyra ferðasöguna mína er honum meira en velkomið að koma í heimsókn og fá jafnvel örlítinn kaffisopa ;)

Stutt og laggott

2008-09-18T15:26:00.002Z

Allt fint ad fretta af okkur maedgum. Erum a leid til Tkon a laugardaginn ad hitta vin min Adam..
Annad er svo sem ekki mikid ad fretta, dandolumst bara a strondinni af og til eda forum i gongutura.
Helst i frettum er tad ad Irena er komin med plass a leikskola og mun byrja 29.agust. hvorki meira ne minna ;)

Kvedja fra Kroatiu

Við kveðjum í bili.....

2008-08-30T23:01:00.001Z

... erum farnar til Króatíu.

Við mæðgur erum á lífi..

2008-08-28T10:52:00.007Z

Já við mæðgur erum á lífi..

Fórum í gær að heiðra strákana OKKAR, og var þetta svakaleg stemmning. Mikið gífurlega er maður stoltur af þeim. Þeir eru líka allir svo ofboðslega sætir, ekki hægt annað ;) (Bara minna á að ef þið ýtið á myndina, þá stækkar hún ;) )

Ég undirbý mig hægt og rólega að fara út núna á sunnudaginn. Þvæ þvott, ryksuga og skúra gólf. Allt á að vera tipptopp áður en ég fer út. Líka svo gaman að koma heim í hreint hús. Sem er reyndar ofboðslega langt í. En við verðum þarna úti allan september. Ekki slæmt það. Þarna úti er núna um 30 stiga hiti en á þó að kólna eitthvað aðeins þegar líður á vikuna, en þó ekki nema bara kannski um nokkrar gráður ;)

Mér til mikillar ánægju er ég búin að vinna af mér allar þær vaktir sem ég missi af, þannig ég á heldur betur skilið þetta FRÍ inni ;) segir konan sem alltaf er í fríi :)

Írena Mjöll er hin hressasta, komin með 4 jaxla upp í þessum mánuði...
Hellti yfir sig hádeigismatnum um daginn, vissi ekki hvort hún ætti að hlægja eða gráta, en þar sem að ég hló mig máttlausa yfir þessum klaufaskap hennar, ákvað hún að fara ekki að gráta, en sæt er hún :)

Svo er góður kostur kominn, picasa er kominn með web-albúm og hér er hægt að líta á frumraunina. Því tel ég að í framtíðinni mun ég vera duglegri að koma með myndir ;) En það verður þó ekki fyrr en komið er til baka eftir ævintýraferðina...

2008-08-14T21:07:00.000Z

Það hefur verið nóg að gera síðustu daga hjá okkur mæðgum. Enda er sofið út þessa dagana ;) ef rúmlega 8 kallast að sofa út ;)
Framundan er bara rólegheita tími, vinna nokkrar vaktir og svo undirbúa hægt og rólega ferðina okkar út. Enda er bara rétt rúmar 2 vikur í ferðina okkar..

Út og suður

2008-08-07T13:00:00.000Z

Við stelpurnar úr menntó erum á leið til Hafnar á eftir. Verðum þar yfir helgina hjá einni af okkur sem býr þar. Ekki slæmt það, góður félagsskapur, góður matur og hvítvín á borðum.. namminamm

Mikið fleira er ekki að frétta héðan....

Forsmekkur fyrir Króatíu

2008-07-30T22:24:00.000Z

Ég er ekki frá því að Írena Mjöll hafi sjóast heilmikið við að fara í útileguna. Hún hikaði ekki við að ganga inn önnur tjöld og ná í það sem henni þóknaðist eða eltast við stóru krakkana í fótbolta. Enda er hún heldur betur byrjuð að sýna vilja sinn í verki. Bara fyndið að sjá þetta ;)

Vinur minn frá Þýskalandi er að koma til landsins á laugardaginn með systur sinni. Þau munum byrja ferð sína hjá mér og enda. Hlakka ég rosalega til enda hef ég ekki hitt hann síðan 2002. Verst er bara að ég er að vinna um helgina og það 12 tíma næturvaktir. Jæja það verður bara að hafa það

Ég hef frestað útför minni til Króatíu. En við munum ekki fara fyrr en 31. ágúst en við verðum einnig viku lengur en planið var, komum því ekki fyrr en 28. sept. Ástæða þessara breytinga var að breyting varð á útfluginu 24. ágúst en millilenda á í París og 3 tíma lenging á flugi. NEI TAKK!!! ekki fyrir okkur pæjurnar...

Farandsmenn

2008-07-24T14:24:00.000Z

Við Írena Mjöll erum á leið í útilegu núna á eftir. Verðum bara í litlu tjaldi, voðalega kósý. Förum með mömmu og pabba og er stefnan tekin norður á bóginn í nokkra daga. Þetta verður svakalega spennandi og gaman að sjá hvernig þetta mun ganga fyrir sig.

Annars er Írena bara kát eins og hún er sér vön, þó hún hafi tekið snemmbúið unglingakast í vikunni :S (Reyndar var þetta jaxlatöku að kenna). En hún er öll að koma til núna :)

En jæja við biðjum að heilsa ;)

Frændfólk

2008-07-15T21:09:00.001Z

Við erum komnar heilar á höldu heim eftir frábæra ferð á Vestfirðina. Þar sem við Írena lifðum eins og kóngar hjá henni "Þór'ömmu". Takk æðislega fyrir okkur!!!!

Írena Mjöll gisti hjá honum Húnboga Bjarta sl. nótt þar sem ég var að vinna. Fór bara vel á með þeim frændsystkinum enda bæði svo yndisleg og æðisleg ;)

Svo er ég búin að auka við mig vinnunna og er komin í 40% á barnaspítalanum + aukavaktir. Það gengur víst lítið annað miðað við hratt hækkandi neysluverð hér á landi. Við hjúkkur erum þó búnar að semja og tel ég nær 100% líkur á að við munum samþykkja nýafstaðin kjarasamning. Enda gildir hann bara í 9 mánuði og hefst þá næsta barátta ;)

Annars er ég í svo kölluðum framgangi í vinnunni núna til að fá launahækkun. Þær, deildarstjórinn og sviðstjórinn hafa víst rétt til að liggja á honum til 6 vikna samtals :( en launahækkunin tekur ekki gildi fyrr en skrifað hefur verið undir af öllum aðilum. Vonandi gengur þetta snuðrulaust fyrir sig ;)

Breaking news....

2008-07-05T12:26:00.001Z

Jahérnahér. Mikið svakalega líður tíminn..... Ég hef verið að vinna ofboðslega mikið þessa dagana. Heilar 8 vaktir á einni og hálfri viku og þarf af 4 næturvaktir.. jejejeje mikið ofboðslega verður gaman að fá næsta launaseðil. En það veitir víst ekki af að sanka að sér pening í komandi hallæri, því við hjúkkur munum neita okkur um aukavaktir frá og með 10.júlí. En eins og margir vita að þá eru þær aðaltekjulindin mín.... Já það er engin svaka bjartsýni hjá mér að við munum semja áður en til þessa kemur. En hvað um það.

Tæknin hefur víst náð til Króatíu líka, en við Kat'amma töluðumst við í gegnum netið í gærkvöldi og ekki bara það heldur sáum við hvor aðra. Að sjálfsögðu var Írena Mjöll með í þessum samræðum og féllu víst nokkur gleðitár það kvöldið.....

Við Írena eigum svo flugið á miðvikudaginn kemur til Bolungarvíkur. Svakalega verður gaman að fara í smá "frí" og slappa af í Vestfirðskri sveitasælu ;)

Já, svo til að fyrirbyggja allan misskiling þá var það ÉG sem dró Svarthöfða til dauða en ekki Luka, þrátt fyrir mikið annríki síðustu daga.......

Í leik og starfi

2008-06-23T20:59:00.005Z

Komum nokkrar hjúkkur saman með börnunum okkar og fórum út á róló hér fyrir utan. Gönguvagninn kom með út og vakti hann mjög mikla lukku!!!

Hér er Írena Mjöll ásamt Lárusi Orra að hjálpast að við að keyra vagninn ;).

"Hei, ekki standa upp!!"

"Hanna, nú leggjum við í 'ann..... " ;)

Svo í lokin ein mynd af okkur mæðgum en við skruppum aðeins í miðbæinn í dag til að hitta Guðrúnu Margréti.

Klárlega lang sætastar!!!!!

Nauthólsvík hvað???

2008-06-18T21:50:00.001Z

Það þarf ekki að fara langt til að geta notið fuglasöngs, fossanið, stokk og steina ;)
Ekki skemmir það heldur fyrir að hér er ekki aragrúi af fólki með tilheyrandi hávaða og leiðindi:)

Rjómablíðan er allsráðandi þessa dagana og því æðsilegt að hafa svona huggulegan stað í 5 mínútna göngufæri frá heimilinu;)